香港新浪網 MySinaBlog
« 上一篇 | 下一篇 »

新開法國餐廳. 環境唔錯,tasting menu亦十分豐富,水準不俗,值得推介. 不過配酒一般,但添酒慷慨. 我都係因為呢張相吸引到我嚟咋!!! 晚上有兩款tasting menu,一個五道菜,一個gourmet menu有八道菜,我地兩款都點,試齊咁多款美食.

煎羊柳配中東香草醬香草牛油薯仔卷賣相真係好吸引!!!

餐廳入口.

望返出去入口.

要行過好長好長木板地走廊

仲未行完. 廁所仲要好隱蔽. 女侍應行得好快,我追住佢行,搞到我氣來氣喘!!!

好大個酒櫃,成幅牆咁大.

我地被安排坐係窗口位中間位置,望向兩旁都好靚.

先嚟麵包籃,但只係微暖,而且都唔算好食.  

不過麵包碟係一片玻璃,好有趣. 

amuse bouche - 牛肝菌湯及吞拿魚他他. 牛肝菌湯十分濃郁. 吞拿魚他他就冇咩特別.

安格斯牛柳他他配烤薄餅份量驚人,但較為乾身,可以多汁少少,不過肉味都唔錯. 

gourmet menu - 黑魚籽煙三文魚烤餅,由三文魚薄片夾著一層層檸檬忌廉. 賣相十分精緻. 另外拌碟個洋蔥薄片令人驚訝佢製法!!

gourmet menu - 生牛肉薄切配松露鵝肝. 賣相又係靚絕,鵝肝香濃,大家一致讚好.

gourmet menu - 煎玉米餅配鮮黑菌,我只試咗好少. 不過大家第一啖都食唔出係咩東東!!

烤帶子伴牛肝菌帶子巨型,不過有梳打味,冇鮮味,好失望..........

黑松露牛尾清湯伴鵝肝,牛尾湯較清,配嫩滑鵝肝效果都唔錯.

gourmet menu - 龍蝦雲吞配喇沙汁. 冇試呢味,不過用喇沙汁好創新,係fusion菜,朋友話都唔錯.

gourmet menu - cheese plate

我叫咗幾次加酒都好快手. 食緊唔係我嘅芝士時想配白酒佢都加俾我.

gourmet menu - 紅酒汁烤嫩鴿 - 嫩滑得緊要,食過最好!!!

煎羊柳配中東香草醬香草牛油薯仔卷賣梳極佳.

不過羊味欠奉,但肉質唔錯. 我要rare亦好夠生!!

芝士味脆包芝士味十分濃郁,簡單得嚟又好食!

朱古力杏仁忌廉,小蘋果及雜果雲吞賣相又係好靚. 甜品我都係一般,冇咩特別評語.

petit fours

最後上埋咖啡就係一餐唔錯嘅晚餐. 

地址 : 中環港景街1號國際金融中心商場2期3樓3101店
電話 : 2393 3812

留言(0) | 引用(0) | 話題(食事)