香港新浪網 MySinaBlog
« 上一篇 | 下一篇 »

無心插柳柳成陰低下去咗呢間萬發食晚飯. 萬發本來係深水埗嘅其中一家有名大排檔,仲越開越多分店. 呢間新店剛開張,最有特色係透視廚房. 係街外望入去可以清清楚楚睇到廚房運作情況. 我剛行過時就見到佢燒緊隻乳豬仔! 但新開人手極之不足,而且新人對菜牌又唔熟悉,就係坐低成十五分鐘叫咗人都俾唔到茶同餐牌,有待改善. 食物抵食大件,絕對係大排檔式.

百花釀豆腐 - 雖然豆腐唔算滑,但件蝦膠都幾鮮甜. 好抵食呀,有八大件咁多呀!!

敬送例牌乳豬 - 新張其內有乳豬送,不過都要叫佢先有. 本來都冇抱咩期望,但竟然係熱辣辣,好鬆脆,味道亦好好,意外地好食!!!! 

白灼花螺 - 要$9襾,叫咗半斤. 不過肉唔甜,麻麻. 

南乳粗齋 - 味道幾好,材料豐富,不過粉絲勁吸水,越食越乾. 

豉汁蒸魚雲 - 份量勁多,蒸得火路剛好,好食! 

魚腸煎蛋 - 一般大排檔都做焗魚腸,但佢就煎. 魚腸份量唔多,而且偏鹹,勉強合格.

留言(0) | 引用(0) | 話題(食事)