香港新浪網 MySinaBlog
« 上一篇 | 下一篇 »

好同事要為美女廚神S補祝生日,一直約至今日先成事. 不過唔緊要啦,最重要係大家一齊食得開開心心嘛!!! 呢間煊記真係十分地戊. 而且入面啲人好似三山五嶽咁,好驚呀!!! 而且又勁嘈,又食煙,又粗口,真係有啲受不了. 食咗小菜都唔錯,心思思想試埋佢火鍋,不過咁嘅環境真係頂唔順. 後來搵探子去樓下睇睇,原來都ok喎,咁就係樓下開始打邊爐. 結論係小菜,火鍋都唔錯,服務亦好好,小菜火鍋食齊十分抵食都只係每人$250. 不過真係睇你好唔好彩坐邊度同身邊係咩人.

椒鹽豆腐 - 外脆內軟,有水準.

椒鹽排骨 - 椒鹽味好香,肉排亦好腍又唔會有梳打味,好食!

炸大腸 - 炸得燶咗少少,而且唔夠肥,一般.

焗魚腸 - 焗得好香又夠乾身,入面好多魚潤,超正!!!!! 水準數一數二!!

油鹽水煮花甲 - 全晚最差呢味. 花甲細就不在話下,最慘係完全冇味,好似已經灼到出哂味咁,連湯都唔甜,完全唔知發生咩事,仲要$70架!!!! 好唔抵!

豉油皇雞腸 - 超好食,同鵝腸有得fight!!! 好肥呀!!!!!!!!!! 膽固醇超標喇!!!!!

椒鹽鱔片 - 炸得香脆又有鱔味,好好食!!

大頭菜蒸牛展 - 雖然幾有牛味,不過蒸得過火,有啲韌.

薑蔥炒骨腩 - 超強!! 炸得香脆,味道又好,必食!!!!

清湯湯底 - 只係$35!!!

本地手切牛 - 勁得!!!!!!!! 勁有牛味,都只係$98!!

豬心拼豬潤 - 好新鮮,唔錯!! 豬心好少有得食,都好爽!

桶蠔 - 都算幾肥美,唔錯.

八爪魚腐皮卷 - 餡料有粒粒八爪魚,好食呀!

西洋菜 

水餃拼韮菜餃 - 侍應推介,果然唔錯. 水餃同韮菜餃各有各好食,所以推介雙拼.

午餐肉 - 又係好好食,唔會好多肥膏. 問過侍應係白豬仔牌.

地址 : 油麻地砵蘭街14號地下

留言(4) | 引用(0) | 話題(食事)

[1]

又勁嘈,又食煙,又粗口,
哈哈!那不就是我


[引用] | 作者 | 21-Mar-10 | [舉報垃圾留言]


哈哈,是嗎???? 你不像呢!

[引用版主回覆] | 作者 胃食妹ET | 24-Mar-10

[2]

以前環境重差呀!


[引用] | 作者 一舊腹肌 | 21-Mar-10 | [舉報垃圾留言]


其實我以前都去過一次,係呀,仲差!

[引用版主回覆] | 作者 胃食妹ET | 24-Mar-10

[3]

又勁嘈,又食煙,又粗口....好啱我去 wor XDDDDDD


[引用] | 作者 柏金遜 | 22-Mar-10 | [舉報垃圾留言]


不過佢小菜都幾貴,反而打邊爐好抵食!

[引用版主回覆] | 作者 胃食妹ET | 24-Mar-10

[4]

really want to try that 焗魚腸!!! Looks really NICE!!!

ALLEN
[引用] | 作者 ALLEN | 23-Mar-10 | [舉報垃圾留言]


我地另外有個魚腸場架. 如果你之前有睇我blog你就知架喇!!!! 正!

[引用版主回覆] | 作者 胃食妹ET | 24-Mar-10