香港新浪網 MySinaBlog
« 上一篇 | 下一篇 »

某日放假,去探姨甥仔,姨甥女,帶佢地去飲茶. 佢地爺爺都有嚟,四個大人加兩個BB. 佢地係BB,當然食唔到幾多嘢,不過少少地都可以俾佢地食啲嘅,哈哈!!

西洋菜燉雞腳湯 - 只係收大點價錢,但質素好好,好夠火路,出哂味,好甜呀!!

鳳爪 - 一向都係我最愛點心之一. 唔錯.

腐皮卷 - 唔會太油,餡料豐富.

雞絲粉卷 - 夠多料,好食過腸粉.

千層糕 - 有鹹蛋黃餡,蒸得夠鬆. 俾咗少少姨甥女食,佢都好鍾意.

欖菜肉碎炒飯 - 炒得夠乾身,加埋有蝦米,蔥粒炒得好香.

地址 : 大角咀港灣豪庭廣場1樓126號舖
電話 : 2816-7688

留言(0) | 引用(0) | 話題(食事)