香港新浪網 MySinaBlog
« 上一篇 | 下一篇 »

食友發起搞一個魚腸局真係太好. 以往入冬我地必到森記食魚腸,不過近來飯局太多,好似都仲未輪到去森記,真係好彩有呢位靚女咋!! 仲要多謝地膽美女廚神聯絡到太子仔文哥留定魚腸俾我地. 今次真係魚潤多過魚腸!! 夾起件件都係甘香嘅魚潤!! 正呀!! 今日當然係膽固醇萬歲啦!!! 埋單只係每位$120!!!!!!!!!!!!!!! 仲要多謝另一位食友帶來酒杯俾各人,辛苦哂!!

豉油皇鵝腸 - 唔係用鮮鵝腸,有啲失望.....

蜜味雞翼 - 每日特價之選,咁大碟只係$20!!!! 雞翼仲好大隻添!! 皮脆肉滑冇講錯架!!

椒鹽花枝片 - 一絕!!! 花枝片軟熟,文哥果然好介紹!!!

臘肉片炒豆苗 - 各人一致讚好,反而我就覺得一般. 可能我都係對太肥食物有點抗拒.

炸大腸 - 另一味森記招牌菜!

本地手切牛 - 都幾滑,有牛味!

鯉魚鍋 - 魚鱗煎得脆脆,魚肉亦鮮甜,好一個魚鍋!!!

生魚腸 - 火鍋用. 充滿魚膏!!!!

魚腸煎蛋 - 煎得十分香脆,又另一仲風味!

杞子蒸水魚 - 可以相信只係$80嗎??!!! 水魚皮爽,肉夠鮮甜,正呀!!!

魚腸蒸蛋 - 我個人覺得蒸蛋好食過焗,因為蛋又滑又甜,唔似焗有粗鞋感覺. 我要叫兩碟都俾我地掃哂!!!

椒鹽雞子 - 好乾身,食出雞子鮮味!!!

薑蔥爆魚卜 - 火路一流,魚卜唔腥又唔靭,好滑呀!

薑蔥爆魚腸 - 夠哂惹味! 薑蔥好入味!

白灼魚腸 - 只係見到大大件潤,正!!!!!

地址 : 觀塘仁愛圍24號地下
電話 : 2790 5240

留言(1) | 引用(0) | 話題(食事)

[1]

看你介紹合興火鍋後去年我跟太太兒子去吃也點一盤魚腸試試

他們嘗了一口後就說不習慣不敢吃,我覺得雖然有點肥但魚腸的味道還蠻對我的胃口,一個人吃光十分過癮,這家這麼多魚腸料理下次要來這家嘗試

 

 


[引用] | 作者 | 24-Feb-10 | [舉報垃圾留言]


原來大家口味相近. 不過呢間係大排檔,環境麻麻,但食物十分有水準.

[引用版主回覆] | 作者 胃食妹ET | 25-Feb-10