香港新浪網 MySinaBlog
« 上一篇 | 下一篇 »

多謝食友再搞蛇局,令我地食得十分滿足,開心!!! 仲有吳氏母女好客,健談又親切,加埋食物滿分,點可以唔介紹俾朋友呀!!!!

臘腸,潤腸做小食!! 吳太請架!! 果然係招牌,玫瑰露香到不得了,潤腸係一食上癮!!!

蛇羹一到大家就急不及待影完就食喇!! 

薄脆,檸檬葉. 係喎,點解冇菊花瓣嘅? 

吳太送多一窩蛇羹俾我地!!!! 係我食過最好食嘅蛇羹. 其實佢唔係羹,係蛇湯,冇打獻架!! 湯底極之鮮甜!!! 多多都仲食到呀!!

花膠海參炆蛇腩連蛇肝 - 蛇腩有咬口,肉質幾甜,花膠吸哂啲汁好好味呀!!!

鴦腸炒芥蘭 - 炒得好香,當然有招牌臘腸,潤腸係度特別唔同啦!

枝竹草羊煲 - 每件腩都十分入味,炆得夠火候,肉夠腍,而且仲有皮,好食呀!

油炸鬼焗魚腸 - 外脆內軟,又唔會乾,做得十分唔錯!

炸子雞 - 鮮雞係唔同啲,有雞味,肉又滑,正呀!!

咕嚕肉 - 甜酸平衡得好,炸得又夠脆,有水準!!

椒鹽蛇碌 (後加菜式) - 上次食友有點呢味,睇佢地嘅相咁吸引點可以唔叫架!! 食落夠哂惹味,炸得又唔太乾, 送酒一流!!

金蠔臘味煲仔飯  

睇吓啲金蠔靚到!!!!!!!!!!!!

已經好心急要食喇!!!!!!!!!! 金蠔我嚟喇!!!!!!!!!!

好吸引嘅飯焦! 

金蠔,我睇住你唔捨得一啖食咗你. 你實在太靚喇!!!! 但當然最後都要食咗你啦!!! 咁就分咗兩啖細細品嚐.........人間美味!!!! 

木瓜南杏豬展, 花腸百合燉水鴨 - 另外冇影相仲有淮杞圓肉燉竹絲雞,海底椰雪梨蘋果燉豬展,無花果蜜棗燉豬肺 

水鴨呀,唔容易食到! 

食友買咗一大袋薄脆. 太子女話平時唔賣架,見係我地咋!

我同另一食友一斤鴛鴦腸! 

地址 : 中環閣麟街30號地下
電話 : 2543 1032 

留言(2) | 引用(0) | 話題(食事)

[1]

每樣菜都很棒
尤其那豐滿的金蠔
真是誘人!!!


[引用] | 作者 | 23-Feb-10 | [舉報垃圾留言]


金蠔絕對係全晚主角!!

[引用版主回覆] | 作者 胃食妹ET | 24-Feb-10

[2]

蛇我係食既, 不過, 唔好比我見到一碌二碌既蛇樣既菜式, 食欲即降到負數 XDDD


[引用] | 作者 柏金遜 | 23-Feb-10 | [舉報垃圾留言]


男人唔會怕喎!!! 幾得意丫!

[引用版主回覆] | 作者 胃食妹ET | 24-Feb-10