香港新浪網 MySinaBlog
« 上一篇 | 下一篇 »

灣仔QRE Plaza係新落成大廈,食肆林立,選擇好多. 今次食友做搞手,有四圍咁多. 多謝安排豐富菜色!! 相比我較喜歡鷺鷺或者夜上海. 不過可以同一班好友聚頭,認識吓新朋友都十分開心!!! 帝后殿仲好慷慨送出一百蚊現金券多張. 我都抽到,不過就好少去灣仔食飯,所以轉送俾身旁靚靚上海姑娘. 雖然佢話好多菜式都唔係太正宗,不過味道都唔錯.

今日冇較WB,又成日掛住傾計,所以影得好差,請各位見諒!!!

無錫脆鱔 - 十分鬆脆!!

雪菜毛豆 - 簡單但美味. 正宗上海菜式.

油爆蝦 - 河蝦全隻連蝦頭炸. 加上甜甜外層,蝦肉都幾鮮味.

油燜筍 - 唔係好夠爽口.

五香鴨舌 - 鹵得入味!

茶葉燻蛋 - 唔夠茶燻味,蛋黃亦唔太溏心,麻麻.

棒棒雞 - 粉皮滑,配上麻醬係一道好前菜.

黃金明蝦球 - 蝦肉味算太爽,蝦味亦唔多食到,只有個鹹蛋黃外漿,樣靚但唔係太好食.

蜜汁烤雙方 - 金華火腿鹹香味欠奉,又係得個樣.

清蒸河鰻 - 全晚最欣賞呢味. 用酒糟煮鱔,味道十分配合. 鱔肉質地夠嫩又入味,又夠肥大厚肉,大家一致讚頂瓜瓜!!!!

四川土匪辣牛肉 - 梳打牛,做得又唔夠辣,麻麻.

杞子水晶雞 - 雞肉又唔嫩又冇雞味,最失色呢味.

京都賽螃蟹 - 蛋白可以再生少少就會更滑喇!

紅燒圓蹄 - 我本身唔太喜歡呢味,不過聽各人意見都係一般,唔係太出色.

鮮雜菌翡翠苗 - 我鍾意翡翠苗草青味,反而身旁另一位靚女就絕對唔鍾意.

百頁雞毛菜 - 好飽,冇食喇!

小籠包 - 餡肉唔鮮甜,皮雖然幾薄,不過餡料同樣重要.

蔥油大餅 - 炸得鬆,味道又好,正!

蒸八寶飯 - 有香桃味,同平時有少少分別,都唔錯.

豆沙窩餅 - 食唔落喇.........

是晚美酒.

地址 : 灣仔皇后大道東202號QRE Plaza27樓
電話 : 2591 6338

留言(1) | 引用(0) | 話題(食事)

[1]

四川土匪辣牛肉
這菜名很有特色
哈哈!!


[引用] | 作者 | 06-Feb-10 | [舉報垃圾留言]