香港新浪網 MySinaBlog
« 上一篇 | 下一篇 »

多謝食友為我地搞摘星飯局. 貴為米芝蓮一星,今次安排菜式豐富,美味,價錢實惠. 唯獨對佢麵食不太滿意. 不過我本身都唔太好澱粉質. 可以同一班食友又再聚首,愉快嘅一晚!!

茶葉燻蛋 - 微微燻味,幸好蛋仲係溏心.

風味羊糕 - 第一次食羊糕. 用羊肉碎做成糕,夠哂羊羶味,好食!

白切羊片 - 羊肉比較鞋,不過羊皮口感就十分好. 一定要點醬汁食,如果唔係就會好寡.

十八鮮 - 唔.....普通炒雜菜,唔識欣賞.

無錫脆鱔 - 炸得鬆脆又唔會過火.

醋木耳 - 好鍾意食呢味,而家自己係屋企都有整黎食.

涼拌海蔘 - 好有口感,味道唔錯.

花雕浸雞 - 酒味唔夠濃,一般.

就係前菜已經成個轉盤都擺滿!!

 

龍井蝦仁 - 十分鮮甜,白白淨,細細粒,好可愛!!

燻鴿子 - 燻味唔錯,不過相比都係大班樓出色!!

乾煸鮮筍四季豆 - 可以再好一d.

冬筍百頁結炆羊肉 - 第一次食乾身羊腩煲. 全用上近骨腩肉,肉質較嫩滑. 味道亦唔錯!

香酥雞 - 睇個名以為好脆,點知原來係唔脆,只覺一般.

 

稻草紮肉 - 係一道特別菜色. 肉有好香稻草味,幾好食.

羊肉炸醬麵, 蔥油開洋拌麵 (冇影相) - 麵身太腍,唔好食.

生煎包 - 熱辣辣係唔錯既.

肉絲兩面黃 - 唔慣食咁樣既兩面黃,不如叫佢肉絲炒麵算啦! 好油,麻麻.

小籠包 - 皮都算幾薄,餡料鮮甜,唔錯.

甜品賣相唔錯,不過我就冇興趣喇!

地址 : 尖沙咀廣東道馬哥勃羅香港酒店6樓
電話 : 2376 3322

留言(2) | 引用(0) | 話題(食事)

[1]

每個菜都很吸引

希樹
[引用] | 作者 希樹 | 25-Feb-10 | [舉報垃圾留言]


係呀,好睇又好食!

[引用版主回覆] | 作者 胃食妹ET | 27-Feb-10

[2]

米芝蓮一星......無言


[引用] | 作者 柏金遜 | 26-Feb-10 | [舉報垃圾留言]


都只不過係一個稱號啫!

[引用版主回覆] | 作者 胃食妹ET | 27-Feb-10