香港新浪網 MySinaBlog
« 上一篇 | 下一篇 »

某日食晏心思思想食辣野. 最近又得我歡心既就只有阿升麵線. 其實話好好食又唔係,只不過辣辣地過下口癮. 最記得第一次黎係熱天,佢又係外賣店,冇位坐,冇冷氣. 一邊等一邊流汗,係度立食仲要一路抹汗,好辛苦呀. 所以今次冬天黎就完全冇問題. 但都係買番公司,坐係度舒舒服服食好d.

細大腸麵線加芫茜就多到見唔到麵咁滯!!! 不過加多d真係好食d架. 我再加埋辣菜甫真係唔錯. 不過我未食過阿土,唔知邊間好d呢??

細辣味鹽酥雞就當然唔可以期望同台灣比. 佢只不過係炸雞粒加味粉. 但都幾香脆既!!

有新出品就係飛魚籽香腸. 據聞係工展會有出售食品,由台灣入口. 香腸本身味道偏甜,加埋粒粒飛魚籽脆卜卜又真係幾好食!! 但要$12一條我覺得太貴喇!!! 聽聞Sogo有一pack賣,等我去睇下先!!!!

地址 : 旺角弼街60A
電話 : 3188 4818

留言(0) | 引用(0) | 話題(食事)