香港新浪網 MySinaBlog
« 上一篇 | 下一篇 »

想去試金水好耐喇,聽聞都唔錯. 迴轉壽司店我只係去過板前一間,連峰壽司呀,Moster Sushi呀,活壽司,和花亭都未試過. 呢日放假一天,同媽咪入屯門探BB,順便時間又剛好可以食下午茶. 佢下午茶六折,所以都幾抵架!! 食落我又覺得同板前質素真係差唔多,但正價都平板前少少.

珍寶帆立貝同板前一樣咁大咁好味,但平佢好多.

蔥吞拿魚腩都幾香油脂味.  海膽都新鮮甘甜冇腥味.  

牡丹蝦好大隻,晶瑩通透,極之鮮甜. 個蝦頭好多膏,真係十分正呀!!

油甘魚刺身又係好新鮮,好有光澤. 食落真係好甘!! 仲係厚切,飽到不得了!! 

火炙劍魚腩又係肥美!! 燒完仲香!! 

芝士翡玉瓜芝士香,翡玉瓜甜,美味! 

煙肉廣島蠔都唔錯,加上煙肉更加突出隻蠔既鮮味. 

燒雞翼都燒得十分乾身,脆皮,都唔錯. 

之前眼闊肚窄,以為唔夠,所以點左個招牌茄蛋肥牛烏冬. 佢又幾好味,茄味夠濃,加埋紫菜都幾好食!! 兩個人夾份掃清埋,最後飽到晚飯都唔使食喇!!!!!! 好滿足!!!! 

地址 : 屯門屯隆街3號屯門市廣場2期地下
電話 : 2452 1668

 

留言(0) | 引用(0) | 話題(食事)