香港新浪網 MySinaBlog
« 上一篇 | 下一篇 »

參加左由新城財經台FM104舉辦嘅牧牛湖大閘蟹宴. 由六點到七點半有試酒會,有四十幾款紅,白,清酒可以試飲. 亦有試食,由Ricky Cheung即場為大家烹調. 不過要排隊,所以試飲,試食都唔係試得好多. 晚宴標榜牧牛湖大閘蟹. 牧牛湖位於安徽省馬安山市,係出產淡水名蟹之一. 佢特點肉質清甜,蟹膏甘香. 食後雙手冇腥味!!! 今晚添酒不斷,食物唔錯. 又有抽獎,開心嘅一晚!!

大會安排妥善

有太多酒試,亦有太多人試,所以只係試到少少. 

一圍十二人table prize有九個獎,如果抽唔到都幾黑仔喎!! 

是晚有紅酒器皿商贊助酒杯,所以安排得唔錯. 

餐前小食 - 香煎北海道巨型帶子及蟹粉香檳沙芭翁法包, 兩款都美味. 帶子真係好巨型,亦好鮮甜.

我同友人都一樣抽到海灣軒另一間上海菜館現金券. 

另入場每人都有興隆$50現金券. 

四小碟 - 花雕醉雞,酒味幾濃,幾入味. 雞亦算嫩滑.

四小碟 - 無鍚脆鱔,炸得鬆脆,唔錯.

四小碟 - 蒜香隕青瓜,新鮮爽脆.

四小碟 - 鎮江肴肉 

第一隻牧牛湖清水六襾蟹皇

肉質清甜,不過蟹膏就唔似一般大閘蟹濃味. 但食完隻手真係唔腥架!!!! 

第二隻牧牛湖清水六襾蟹皇 

呢隻仲甜,不過蟹膏都係以一般大閘蟹味濃得多. 

酒杯質素唔錯. 

薺菜干貝鮮魚羹 - 好多料,食完飽哂!!

上海蒸河鰻 - 用酒釀醃魚肉再煎. 肉質十分嫩滑,而且酒釀帶出魚肉鮮甜,十分好食!!

火腿津白 

稻草豬手 - 豬手本身炆得入味,再加上稻草,香味迫入豬手內,食起黎味道清新,唔覺太油膩. 

蟹粉桂魚絲伴鍋巴 - 蟹粉份量十分多,加上底下有桂魚絲,夠哂鮮甜. 加鍋巴真係叫人食得滋味!!! 

醬炒年糕大閘蟹 - 年糕未能吸收太多蟹膏,蟹汁,只屬一般.

紅油燕尾抄手 - 好飽好飽之下食都唔錯. 皮薄餡靚!

薑茶桂花小丸子 - 食完大閘蟹當然要飲番薑茶中和一下!!!

地址 : 紅磡紅鸞道8號海灣軒海景酒店地下
 

 


[1]

好酒好菜好熱鬧!


[引用] | 作者 | 12-Jan-10 | [舉報垃圾留言]


真係極之熱鬧呀!!

[引用版主回覆] | 作者 胃食妹ET | 14-Jan-10

[2]

好似你平時食嗰啲大閘蟹仲多羔喎.....
帶子同蟹粉法飽超吸引呀....
如果第二時有機會跟胃食妹去見識下就好囉!


[引用] | 作者 豆豆 | 13-Jan-10 | [舉報垃圾留言]


我都係夠八,聽收音機知道有呢個活動架咋!!

[引用版主回覆] | 作者 胃食妹ET | 14-Jan-10