香港新浪網 MySinaBlog
« 上一篇 | 下一篇 »

舊老細合約完結,好客氣邀請以往同佢共事過,無論地盤,寫字樓嘅同事都有份!!

老細好俾面叫我幫佢揀食物. 我見由於有套餐關係,最方便都係從中選擇. 意外地質素唔錯,份量又夠,食得飽飽. 再加上有同事贊助紅,白酒,大家又飲得暢快,好開心嘅一晚!!

今次唔使揀海鮮喇.

多謝同事贊助紅,白酒!! 

法國羊肚菌炖響螺鮑魚湯 - 都幾鮮甜. 仲有隻超艘微型鮑魚仔!!

魚湯浸大蜆 - 大蜆好鮮甜,都幾夠肥美.

 

蒜蓉蒸大元貝 - 火路蒸得剛好,而且都真係幾大隻!

椒盬尿蝦皇 - 好大隻,而且肉又嫩又甜,質素唔錯.

大海斑龍吐珠 - 全魚已經起肉,都幾嫩滑. 個造型係幾有趣既!

芝士焗龍蝦 - 每人半隻龍蝦,都唔細架,睇個樣有接近一斤一隻. 肉好爽甜,超美味!!

金牌燒鵝 -  又真係剛燒起,唔係翻熱. 肉又唔會太鞋,味道都唔錯,填肚最o岩!!

金獎秘製蟹 - 秘製其實即係黑椒蜜糖汁. 佢真係用好杰既蜜糖回鑊,喜歡食甜既都會覺得唔錯既. 咁起碼肉夠甜都已經夠啦!

清炒豆苗 - 唔會過火,炒得剛好. 亦唔會太油.

南丫蝦羔炒飯 - 已經飽到食唔落喇!!!!

敬送生果盤 

地址 : 南丫島索罟灣第一街16-20,23-24號
電話 : 2982 8100

留言(0) | 引用(0) | 話題(食事)