香港新浪網 MySinaBlog
« 上一篇 | 下一篇 »

好友去過聯記川王之後念念不忘,不停要我再同佢去. 咁我就相約另一位嚐辣靚女一齊. 點知聯記原來又關門. 因為佢地一個月有十日會上四川入貨,我地真係唔好彩喇. 所以退而求其次就去左只係一街之隔既川粵. 其實川粵都唔錯,不過要比,就當然聯記最好啦!!

口水雞 - 醬汁夠濃而且夠麻,唔錯!!!

蒜泥白肉 - 味道唔夠聯記好,不過都比渝川好.

麻辣套腸 - 味道同口水雞近似,不過少一點點麻味. 都唔錯.

紅油抄手 - 雲吞皮又薄又滑,加埋個辣汁真係一流! 不過辣汁都係口水雞汁味.

酸辣粉 - 用既薯粉好滑,湯底酸辣味都平衡得唔錯.

相距冇幾遠就有另一間有名氣越南小店. 全店主要由兩位基督徒伯伯打理. 所以牆上,餐牌都貼滿福音語句,好一個係工作上傳福音既弟兄!!!

麻辣魚蛋 - 麻辣味一般,而且魚蛋質素唔得. 雖然只係$3一串,不過唔得.

蔗蝦 - 朋友食既,佢就話唔錯. 我上次食過佢蝦餅都幾彈牙,相信佢都係用同樣既材料做蔗蝦.

生牛肉河 - 其實我主要都係為呢個而黎. 湯底夠濃郁,好正呀!!

椰汁西米糕 - 冇食,不過朋友一個人食哂!! 哈哈!!

川粵米線大王

地址 : 紅磡黃埔街22號地下
電話 : 2994 8871

越南亞呂

地址 : 紅磡寶其利街12A與黃埔街42A交界
電話 : 2334 5818

留言(1) | 引用(0) | 話題(食事)

[1]

真厲害!
吃完會不會想噴火?


[引用] | 作者 | 19-Dec-09 | [舉報垃圾留言]


沒有呀. 我可以吃很辣,這個算只是合格!!

[引用版主回覆] | 作者 胃食妹ET | 21-Dec-09