香港新浪網 MySinaBlog
« 上一篇 | 下一篇 »

本來想帶哎呀阿妹去欣葉食吓台灣菜,點知佢執咗. 上Openrice剛巧睇到素素豬呢個食評,似乎都幾地道台灣菜,咁就帶埋另一位台灣同事一齊去試試.

老闆娘係台南人,所以食品都係台南菜為主,廚師都係由台灣請返嚟. 不過份量少得誇張,而價錢又唔係平. 老闆娘見有同鄉係度招呼都幾熱情. 原來佢係香港二十幾件,做出入口生意,就係佢餐廳用嘅餐具. 所以以佢一個生意人,而家做食肆價錢貴,份量少都唔奇怪. 兩位台灣妹妹都話味道係幾正宗,不過真係少囉!!!

走時送咗兩款杯墊....只係俾兩位台灣妹囉......好似唔夠大方喎!!!

三杯雞 - 夠哂香味,惹味. 不過份量極少.

餐前小食 - 燻豆腐,燻味濃郁!!

小食拼盤 - 周氏蝦卷,燻豬腳凍香腸,糯米腸,豬血糕 - 每款都好好食!! 而且仲十分地道!!

薑絲炒大腸 - 腸味十分濃,鹹酸菜味道剛好配合大腸,唔錯.

鹽酥雞 - 炸得香口,不過以$68份量真係太少.

岡山炒羊肉 - 台灣妹話唔夠正宗,應該用沙茶醬炒.

懷舊米粉炒 - 新竹米粉又幼滑,炒得又乾身. 做得十分好.

清炒A菜 - 夠哂清淡.

敬送石榴 

地址 : 紅磡民泰街35號地下遠榮樓地下 B1B號

留言(0) | 引用(0) | 話題(食事)