香港新浪網 MySinaBlog
« 上一篇 | 下一篇 »

又到一年一度太興大閘蟹宴. 今次大閘蟹差不多有七襾,又大又甜,美味. 而且今次係勁多道菜,我地見到個菜單都嚇一跳. 多得食友面子,太興高層熱情為我地安排,又唔好意思推卻. 最後各人都打包,唔好嘥. 其實每道菜都做得十分好,不過今次略為偏鹹.

公蟹 - 好有氣勢!!

真係好大隻呀!!

兩隻都咁多羔,又香又滑,肉又夠鮮甜!!

母蟹

一樣多羔! 不過我個人對硬羔唔太喜好,所以我兩隻都食公.

蜜汁义燒燒味拼盤 - 太興燒味一向有水準. 但拼盤上檯時已經凍咗,雖然燒肉十分脆皮,不過唔夠熱始終差啲. 义燒半肥瘦的確係唔錯,熱食就最好啦!!

南北杏蜜棗西洋菜生魚煲豬踭湯料 - 老火湯極之濃郁,大家都十分喜愛,明知仲有好多道菜出緊都要飲哂佢為止!!!

西蘭花炒龍躉球 - 肉質嫩滑,不過肉味唔係太鮮甜.

金牌燒鵝 - 又係太興招牌之作. 皮脆肉嫩,而且唔太肥,各人都夾完一件又一件!!

陳皮蒸蓉蒸頭腩 - 龍躉兩味嘅另一味. 骨腩肉一般都十分滑,呢個都唔例外. 再加上厚厚魚皮,又有蒜蓉香,叫人食得滋味!!! 可惜大家戰鬥力已經開始減弱,每人只夾一件,有大半碟冇食. 我同另一位食友就打包返屋企,因為實在太美味喇!!

魚湯銀絲浸大蜆 - 超大花甲,肉又肥,浸得火路剛好,又鮮甜又嫩,食到唔停得口. 個蜆湯就更加鮮味啦!!!!!! 但佢份量超多,最後都要包走.

椒鹽鮮魷 - 魷魚十分新鮮,可惜略鹹.

泰式肉鬆生菜包 - 竟然令大家有驚喜嘅係生菜包. 肉鬆有極香九層塔味道,而且仲有辣椒粒,用新鮮爽脆生菜包住食真係一流. 我極包都食咗三件呀!!!! 當然唔好嘥,少少我都包返屋企食呀!!!

干煸羊腩煲 - 第一次食干煸做法,又幾惹味喎!! 而且夠哂羊羶味,啱哂我!!!

大砂煲醬爆芥蘭苗 - 係太興例牌菜,不過每次都偏鹹,蝦醬放得太多. 但芥蘭苗又真係十分靚!

豬油拍蒜炒菜心 - 已經再食唔落,而且仲係豬油渣,我都有啲怕怕太肥膩. 可能大家都太飽,差不多係冇人食過. 最後食友亦包走唔好浪費.

生炒臘味糯米飯 - 去到呢味又唔食唔得喎!!! 佢話生炒,都似乎係,不過又係略鹹,而且少少過濕. 但臘味味十分香!!!

紅豆豆腐花 - 呢個看似簡單,但又好好食. 只係用現成豆腐花,加自家製紅豆已經好好食. 紅豆夠腍,又唔太甜,同豆腐好夾!! 雖然我唔好甜,但每次必食!!

地址 : 九龍灣宏照道38號MegaBox 10樓7號鋪
電話 : 2359 0138

留言(9) | 引用(0) | 話題(食事)

[1] 唉 沒錢

真的好想搬去香港
跟你們一起吃吃喝喝


[引用] | 作者 | 09-Nov-09 | [舉報垃圾留言]


哈哈,原來你也是胃食一族!!

[引用版主回覆] | 作者 胃食妹ET | 10-Nov-09

[2]

嘩,看到我流口水
其實淨吃蟹也有點飽
怎能吃得下咁多呢...

希樹
[引用] | 作者 希樹 | 09-Nov-09 | [舉報垃圾留言]


係呀,其實食完兩隻蟹都幾飽架喇!!!

[引用版主回覆] | 作者 胃食妹ET | 10-Nov-09

[3]

Σ( ° △ °|||)︴

除左o 咀之外, 我都唔比唔到任何反應


[引用] | 作者 柏金遜 | 09-Nov-09 | [舉報垃圾留言]


我見到個菜單都"O"咗咀啦!!!

[引用版主回覆] | 作者 胃食妹ET | 10-Nov-09

[4]

可否預訂,每位要幾多錢???


[引用] | 作者 BB | 10-Nov-09 | [舉報垃圾留言]


唔好意思,其實係朋友相熟太興高層先可以幫忙寫菜,訂位.

[引用版主回覆] | 作者 胃食妹ET | 10-Nov-09

[5]

呢間太興我之前都係門口經過, 不過未入過去食, 好似有得打邊爐啦, right?

p.s. 其實你d相都影得幾靚啊, 用咩相機影架??


[引用] | 作者 eRic Fung | 10-Nov-09 | [舉報垃圾留言]


咦,又真係唔知喎. 我去親都係一大班人食寫小菜.

我部機係HSBC用積分加一千蚊換架!!!!

[引用版主回覆] | 作者 胃食妹ET | 11-Nov-09

[6]

好好味
有邊味可叫到


[引用] | 作者 |am | 11-Nov-09 | [舉報垃圾留言]

|am :
好好味有邊味可叫到

唔好意思,應該冇. 所有我地食嘅菜式都要夕預訂.

[引用版主回覆] | 作者 胃食妹ET | 11-Nov-09

[7] 乜可以join埋網主出去食ga?

乜可以join埋網主出去食ga? 可唔可以加入戰團ga? How?


[引用] | 作者 Adam | 01-Jun-11 | [舉報垃圾留言]


哈哈,其實有興趣既朋友都係去openrice join佢地飯局,有緣就會見到我架喇. 到時成為朋友的話,飯局真係多到你去唔哂呀!!!

[引用版主回覆] | 作者 胃食妹ET | 02-Jun-11

[8] Re: 胃食妹ET
胃食妹ET :

哈哈,其實有興趣既朋友都係去openrice join佢地飯局,有緣就會見到我架喇. 到時成為朋友的話,飯局真係多到你去唔哂呀!!!


謝謝你,你很胃食,又好好人。好,等我留意下先!遲d見!


[引用] | 作者 Adam | 02-Jun-11 | [舉報垃圾留言]


已經係面書覆左你喇!! 好人就當然係啦!! 嘻嘻!!

[引用版主回覆] | 作者 胃食妹ET | 06-Jun-11

[9]

謝謝分享~~


[引用] | 作者 隆乳 | 01-Mar-12 | [舉報垃圾留言]