又一餐生日飯. 今次到facial妹妹同我食. 做完facial,最方便就當然去味一番啦. 因為食物,服務都咁好. 仲要唔收開瓶嘛!! 今次去到又見到李思捷. 我係味一番已經撞過佢三,四次. 唔單止佢,仲見到喬寶寶添. 不過喬寶寶就帶埋一班未成年濃妝艷抹少女一齊,立即印象分大減.

本來想叫刺身拼盤,不過發覺裡面有刺身係facial妹妹唔食,又有三文魚都大家唔係太好,所以最終就散叫. 有帶子,赤貝同油甘魚. 每款都極之新鮮. 有一款叫赤幹刺身真係大鄉里未食過,但咁橋賣哂,不過仲有兩件俾我地試下. 白身魚黎講都唔錯,算有甜味,都幾得意.

妹妹想食蠔,見有兩款. 一款係我地食呢隻占拉度蠔,另一隻係白珍珠蠔. 占拉度未試過,今次食都唔錯,好爽口,鮮甜.

燒銀鱈魚骨又係我地最愛,送酒一流. 最後好食到要encore多一碟!! 

燒鯖魚係妹妹喜愛. 佢燒得夠香,但又唔太乾. 食落仲有魚油,唔錯呀!! 

想食少少肉,加多個羊扒. 燒得火路剛好,唔太熟,又有羊羶味,正呀!! 最後妹妹鍾意佢個立魚湯,每人一個,煲出黎奶白色,極濃魚味,絕對係佢招牌魚湯!!!