極品王位置前身都係火鍋店,轉手多次,今次極品王似乎都做得住. 我喜歡極品王因為佢環境的確唔錯,夠哂闊落,唔似一般酒樓迫迫夾咁. 佢服務亦都唔錯. 當然食物都有水準,所以我都黎過好幾次. 今次係我個台灣哎呀阿妹生日,佢得一個人,我做佢哎呀家姐梗係要幫佢慶祝下啦!! 我搵埋幾個好同事同佢慶祝!!! 大家都好開心呀!!!

多款調味料,不過阿妹都係最喜歡佢台灣既沙茶醬,佢話打邊爐冇佢唔得喎!!!

因為有人遲黎,所以叫點小食. 椒鹽豆腐炸得夠脆夠乾身.

蜆介鯪魚球亦唔錯,唔會係一舊粉. 鯪魚肉彈牙,仲有果皮,唔錯.

牛柳粒夠哂肥美,牛脂味香!! 

手切肥牛$158算合理價錢,而且質素亦唔錯. 

係阿妹叫豬紅,我都未諗過打邊爐食豬紅,不過吸左湯汁又幾好食喎!! 

竹笙又係阿妹摰愛. 

白鱔片彈牙冇泥味,值得一讚. 

帶子夠哂新鮮,又鮮甜,$58真係幾抵!!! 

西洋菜餃又係第一次食. 阿妹點埋哂我未食過既,不過又幾好食呀!! 西洋菜味夠哂濃. 

芝士鵝肝蝦丸好特別. 

芝士味香,入邊真係有鵝肝架,不過當然好細粒啦. 但蝦丸都係好彈牙,唔錯. 

桂花蚌夠新鮮又肥美,十分鮮味!! 

九菜餃都係我鍾意!! 美味! 

黑拍葉幾爽口. 

炸腐皮只要放湯幾秒就要食喇,好香脆呀!! 

豬潤係較為失色. 唔夠爽口. 不過都可以既!! 

奉送生果 

萬聖節生日蛋糕,真係搞笑!!! 

有人話有榴槤味果酒,點知飲落冇料到.

香港自家品牌白酒,唔錯!!