舊同學相約食生日飯. 不過今次想佢地選一間同我食,因為平時都係我為佢地安排多. 其中一位朋友有白金AE咭係美心集團食肆有優惠. 呢間潮庭真係未聽過,可能係中環關係,亦對美心集團冇太大興趣所以冇留意.

入到酒樓,完全係fine dining西餐廳佈置,十分幽雅,清靜. 服務更是貼心. 所有菜式都由朋友點,實在有驚喜!! 多謝各位!

大家先睇下個潮式拼盤,又漂亮,又豐富!!

華麗水晶燈. 

連茶具都特別漂亮. 

前菜有平常潮州店既鹹菜,但佢做得唔錯,鹹甜度適中. 主菜未上,好快就俾我地食哂!! 

拼盤內容自選,份量以人頭計. 朋友點了蝦球,鵝片. 蝦球十分爽口,比美海景軒玻璃蝦球. 鵝片十分嫩滑又夠鹵水味! 

拼盤另一邊有蟹棗,海哲. 蟹棗蟹肉唔夠多,蟹味偏淡. 海哲爽脆,唔錯. 

朋友點每人一份花膠鵝掌. 花膠炆得十腍滑,但又唔會過腍. 鵝掌亦炆得入味之餘軟硬亦適中. 

川味雞粒豆腐煲 - 略為油膩少少,不過送飯最好!! 

石榴雞 - 潮州名菜之一. 

蛋皮做得夠薄,雞肉嫩滑,再加上筍粒爽口,做得十分有水準. 

蠔仔粥 - 蠔仔十分肥大鮮甜,美味!! 

紅棗糕紅棗味十分濃,又唔太甜,好食喎!!!