生日放假休息下. 自己一個想食個靚靚午餐. 平時都聽朋友講去食壽司午餐,但我工作地點所限去唔到佢地果幾區. 今次放假去邊都得,幾間壽司點我選擇左孝勢. 見壽司廣,壽司德評語都可以,不過似乎服務就一般. 所以最終揀左孝勢,果然服務真係好好. 壽司飯意外地較濕,其實係唔應該犯既錯,不過我都唔會太執著,總之食得開心就得喇. 壽司本身都十分新鮮,所以都值回票價.
十二點剛開門去到都未有人.
先叫個生啤,再叫我最愛螢光魷魚送酒.
份量唔少,都幾鹹鮮!!
午餐十二件壽司套餐每款選一件.
套餐包茶碗蒸及都豉湯.
茶碗蒸既蛋十分滑溜.
十二件壽司由一長碟上檯. 每件都新鮮,美味. 我就當然依舊最愛三文魚籽同海膽啦!!!!
飯後仲有綠茶雪糕....飽哂,滿足呀!!!!
電話 : 2363 6113地址 : 紅磡德康街6號黃埔新天地黃埔花園11期紫荊苑第9座地下G22A號舖
