今日假期,去Market Place行吓. 見有牛扒試食. 試過之後覺得好好食,好有肉味. 原來係澳洲西冷,估唔到咁腍又有牛味. 兩塊$60真係好抵. 再望吓個雪櫃隔離見有秋刀魚,只係$17.5兩包,每包三條,真係平到嚇死人. 我見咁平就買嚟試吓.
最後牛扒同秋刀魚都十分美味!! 呢個實驗係....成功嘅!!! 哈哈!!!
澳洲西冷 - 夠哂雪花!
我果塊夠哂生,正呀!!! 好香牛味,牛脂香味,估唔到咁平都可以咁好食!
秋刀魚 - 本來想鹽焗,但又懶洗爐,最終蒲燒用鑊煎易洗好多!
蒲燒秋刀魚 - 起骨,只用豉油,糖醃一陣之後再煎熟.
好簡單就已經好美味喇!!
