擁有喜來登酒店咭但都唔知雲海有個Brunch promotion,佢地對會員嘅資訊的確做得麻麻. 多得兩位食友通知. 有優惠唔用好嘥,所以佢地叫到都有興趣一試.

對上一次係銀座鐵板燒,已經覺得和三昧同花盃都好過佢. 今次雲海更加令人失望. 連炒飯都做得唔好,相信都知道佢地有幾唔得喇!! 如果係食量大的話,呢度任食完全符合要求. 不過要質素,相信和三昧同花盃一定更好.

門口幾堂皇

任飲日本啤酒,汽水等,全部好多氣,等你谷到一肚氣飽到食唔落!! 好計!! 

蟹籽沙律 (只限每人一份) - 好似旺角任食貨色.

壽司set  (只限每人一份) - 又想用啲飯一開始"質"飽你.

多款食物已經預早放係度等師傅烹調. 

兩位師傅為16人服務. 近我地呢位四眼師傅十分健談,不停同我地答嗲......難聽啲係口水多過茶. 話題又好冇taste,完全唔似係大酒店師傅. 

所有餐牌內任食食材唔理三七廿一先由頭到尾煮一次俾你食一round. 先有帶子,蝦. 

三文魚扒 - 都ok啦.

雞肉 - 鐵板燒有雞肉都幾少見. 呢啲材料唔應該係高級食店有.

只限每人一塊,冇得添食. 雖然近來facebook流傳製鵝肝嘅殘忍手法,不過我都依然好鍾意食鵝肝. 正如我鍾意食翅一樣. 亦有人怕食蛇蟲鼠蟻,覺得個樣,感覺好核突,不過我一樣照食.

開始整鵝肝喇!! 

有得食鵝肝喇!!! 好彩入邊都仲幾嫩滑. 師傅仲教我地自己係屋企點煎鵝肝!! 大家想知就叫我上你地屋企示範俾你睇啦!! 哈哈!! 

炒芽菜 

炒飯配料 

薄燒和牛配料 

燒羊扒 

個樣唔錯. 幾夠生,不過冇羊味,又冇羶味. 只覺得食緊舊無味嘅肉. 可能點吓汁食會好啲.

M6澳洲和牛 

薄燒和牛肉味一般,不過火路都唔錯,而且細細件都可以再食. 加蒜片就更加美味. 

炒麵 - 師傅話呢隻麵真係由日本直接入口,好貴架!! 味道唔錯,不過食落似意大利粉.... 

追加帶子,蝦,相信係全場最好食架喇!! 睇吓帶子幾厚身. 好鮮甜架!!

炒飯完全冇蛋香,又太乾,仲有啲硬,好唔得呀!! 

柚子雪杷又係每人一份. 都幾有柚子味嘅,不過極甜! 食友話"畢"定一份份再雪住既貨色,絕對唔應該係五星級酒店貨色. 呢個我都同意. 要招呼嘅人唔多,當需要時先"畢"都唔會好嘥時間啫! 

喜歡去酒店進餐,因為食物,服務,環境都好好. 食得飽飽,酒店空間大,再周圍行行,消化一下.