香港新浪網 MySinaBlog 精選話題工具
« 上一篇 | 下一篇 »

老細生日我地一向都有同佢食餐飯慶祝. 今年亦唔例外. 佢喜歡利苑,我地做佢馬仔當然順應要求啦. 同事代為安排菜單,菜式幾豐富,有獨立房間,有麻雀,食物就一向有水準,服務亦十分好.

呢個生日蛋糕係我係office hour蛇出去買架,幾大膽!!

炸合桃 - 實在係敗筆. 一d都唔脆.

燒腩仔 - 極之脆皮,肥瘦均勻. 不過一人一件好似唔夠喉!!

拍黃瓜 - 冇咩特別.

日式牛柳粒 - 牛肉幾腍幾入味.

蓬萊素鵝 - 合格

陳醋雲耳 - 原來酸酸地既雲耳好好食呀!! 我忍唔住之後自己都試過整,俾我媽咪食左好多呀!

煎釀四季豆 - 絕對係手功菜. 咁幼既四季豆仲要開邊釀魚肉都有難度架!

米網如意炒生元貝 - 元貝鮮甜,合格!

野生天麻燉龍躉骨 - 呢個湯魚味夠哂濃郁,天麻香味亦夠,幾好.

淮陽玉液浸龍躉翅 - 因為上檯時已經分好,所以影唔到個全相. 老細叫各人放返碗湯出黎俾我影,哈哈!!

渥陽玉液浸龍躉翅 - 用雞湯加龍躉鮮甜到不得了,一流!!

蔥油脆皮焗珊瑚蟹 - 蟹肉鮮味,不過肉身連半殼,比較難食. 如果全部起肉就更加好!

古法扣山瑞 - 從來未見過咁大隻山瑞腳.

古法扣山瑞蹄 - 個皮極之滑溜,骨膠原一定極豐富. 肉質又嫩滑,真係一試難忘!!!!

濃湯娃娃菜伴莧菜 - 可以.

沙溪燒米鴨 - 冇皮下脂肪,食得開心,放心. 鴨味亦濃郁,唔錯,唔錯.

枝竹羊腩煲 - 後加. 每件羊腩都連皮,炆得入味. 不過可惜羊肉冇咩羶味.

蟹蓋焗飯 - 唔太特別,而且炒得唔夠鬆散,只屬一般貨色.

壽包

蛋白杏仁茶

地址 : 旺角洗衣街121號
電話 : 2392 5184

留言(3) | 引用(0) | 話題(食事)

[1]

好想嘗試蔥油脆皮焗珊瑚蟹跟煎釀四季豆
請教古法扣山瑞的山瑞是什麼?


[引用] | 作者 | 22-Oct-09 | [舉報垃圾留言]


對,兩款也不錯.

看看這裡解釋得很詳盡.

[引用版主回覆] | 作者 胃食妹ET | 22-Oct-09

[2]

講解的很詳細,哈哈!這一段很好笑!
台灣有特別培殖的王八蛋,但售價不便宜


[引用] | 作者 | 23-Oct-09 | [舉報垃圾留言]

[3]

個山瑞/羊腩煲,睇到我流口水.哈哈!!!

飛象過河
[引用] | 作者 飛象過河 | 18-Mar-10 | [舉報垃圾留言]


平日都好食會點呢啲菜式,都只係今次叫酒家寫菜佢建議架!!

[引用版主回覆] | 作者 胃食妹ET | 20-Mar-10