好同事約食飯. 本來以為只係普通聚聚,點知原來係幫我慶祝生日. 由於地點所限,所只係太子搵左幾間可以坐得舒服,食物又唔錯既地方. 其實我都只係去Openrice搵下我未去過既地方. 呢間煌城其實轉手無數次,前身太白樓我都去過,都唔算差. 今次煌城都係得小貓三,四隻. 但食物,服務唔錯,又免開瓶,希望佢挨得住啦!!! 

椒鹽九肚魚 - 炸得香脆唔油膩

醉雞 - 聞落酒香撲鼻,不過食落又唔係太濃酒味. 相信較適合唔飲酒既朋友.

炸乳鴿 - 炸得外皮香脆,但味道較鹹. 送酒會比較好. 

臘味炒芥蘭 - 炒得唔油膩. 臘腸,潤腸都好食.

o者o者排骨豬潤煲 - 排骨,豬潤,蔥頭都好入味,送飯一流.

野菌牛仔骨 - 牛仔骨有梳打粉味,麻麻,而且好油. 呢個係全晚比較差.

藕條炒四季豆 - 炒得十分香,又乾身,超好食!! 

乾炒牛河 - 見到個野菌咁油幾驚嚇,所以牛河就即刻叫佢少油. 果然真係好少油,但依然炒得香,每條河粉都上哂色,好有水準!!!!