由於某晚威士忌之夜而引伸出來的一個飯局. 雖然我上次冇參興,但慶幸都可以參加今次聚會,真係好好彩呀!!! 好多人想嚟都嚟唔到呀! 講番當晚,全部菜式都由美女廚神親自創作. 每一道菜都令大家十分欣賞. 無論賣相,味道都係一流水準!! 由於菜式十分多,所以我都有幫手製作其中腐皮卷. 先睇睇預備材料.

型男幫手整生果波波,點知粒粒都唔夠圓,最後廚神接受唔到呢個水準而放棄做呢道菜式....可惜,可惜.

嘉美雞一隻浸熟後再浸冰水令雞皮極之爽脆. 

新鮮白灼龍蝦肉,起碼有四隻. 我幫手撕開做腐皮卷餡料. 偷食過一舊好鮮甜架!!! 

鹹蛋黃做黃金炒丁. 有專人去泥爛咁多個鹹蛋黃.

挖波波失敗型男再俾多次機會佢雕蕃茄花. 今次效果都唔錯.

輪到我包腐皮卷. 廚神創作兩款腐皮卷. 一款係芝士龍蝦丁丁卷. 另一款係泡菜芽菜蝦仁丁丁卷. 我先做呢個. 做好就去半煎炸. 

靚靚酒杯已經準備盛載美酒. 

大家飲杯!!!!!!!!!!! 

先有芝麻醬鮑魚手撕雞冷麵做頭盤. 

鮑魚未切條先影相,之後為方便進食就切成條狀. 加埋芝麻醬好好食呀!!! 

廚神幫我地分開兩碗方便夾. 

芝士龍蝦丁丁卷賣相一流. 咬落外脆,裡面充滿啖啖龍蝦肉,好味到再想食. 可惜因為菜式太多,每人只有一大條. 

泡菜芽菜蝦仁丁丁卷亦都唔失色. 少辣泡菜爽口,再加埋芽菜同樣爽口,配搭唔錯. 

白灼花甲較為失色一味. 花甲唔夠肥大,而且唔鮮甜. 唔緊要,仲有好多好嘢等住我地!!! 

海鮮大雜會內容有大蜆,大蝦,仲有星斑片. 

嗱,冇花假真係有星斑片架. 個湯底由咁多種材料,加埋龍蝦殼秘製而成. 極之鮮甜. 

丁丁吸哂鮮甜湯底,美味無比!!! 

有一碗留俾遲放工朋友. 我地就繼續去飲湯!!! 哈哈哈!!! 

魚籽黃金炒丁係用鹹蛋黃加兩板海膽. 可惜鹹蛋黃味太濃,完全食唔到海膽味. 不過麵身炒得乾爽,唔錯.

又另一個菜式. 

丁丁廣島燒內有蠔仔,椰菜絲. 食落啖啖蠔仔,十分鮮味. 

食飽飽就有簽名會. 睇吓場面幾哄動!!! 大家終於可以一睹美女廚神風彩喇!!!!

有美女廚神親筆簽名加唇印丁丁,無價架!!!! 

最後有VERO蛋糕. 朱古力味極濃郁,美味呀!!!!

當然唔少得美酒啦!!!!! 

最後一定要多謝美女廚神. 出錢又出力. 多謝哂!!!!!!!