平日同舊同學食飯佢地都奉旨要我搵地方. 今次輪到我生日都可以到佢地安排吓喇掛. 咁佢地當然好叻都係要問朋友啦. 佢朋友介紹呢間Munch又唔錯喎. 佈置似似地DAP,食物味道幾好,服務都ok. 今次唔set white balance,又有另一番味道!

有酒吧位

芝麻包包 - 熱辣辣,簡簡單單,幾好食. 個樣有人話似煎堆,睇落都有啲似喎!!

燒雞沙律 - 燒雞胸肉極之嫩滑,意料之外好食!!

夏威夷 pizza - 芝士,蕃茄汁份量幾夠,不過我其實唔鍾意有菠蘿粒. 

蟹餅 - 內裡充滿絲絲蟹肉,好鮮味,唔錯.

菠菜釀燒雞 - 呢個燒雞脾反而仲鞋過個雞胸. 呢個差少少.

Carbonara - 意粉夠al dente,芝士味都幾濃,合格有餘.

白酒煮蜆意大利粉 - 反而呢個白汁淡味,又冇蜆肉鮮味,失色.

燒牛扒大蝦拼比目魚 - 五個人分,其實都已經幾飽,再加上牛扒都幾靭,所以牛扒係食唔哂. 我冇食到蝦同魚,不過據聞都唔錯.

Creme brulee - 夠滑溜,蛋味濃.

Mango Napoleon - 內有芒果粒粒,酥皮睇落幾鬆脆.

心太軟 - 都幾流心喎!!