有幸可以同酒界美女Ca姐食晚飯真係好難得. 因為佢經常要外出公幹,去參觀唔同地方嘅酒莊,有時又係評酒,寫專欄,拍攝介紹美酒嘅短片,仲要俾時間屋企兩個可愛囡囡,抽到時間陪我地癲真係好開心. 華商上次三個人嚟過覺得唔錯,雖然要收$38一支開瓶,但經過上次經驗佢都唔會收足. 食物質素好,又抵食,服務都唔錯. 入會只係$50象徵式. 果晚食咗咁多味菜每人都唔使二百蚊,真係好抵食呀!!!

七味炸茄 - 又係送酒小食,炸得一啲都唔油膩,十分唔錯.

銀芽韮黃鹽燒牛立方 - 牛味濃郁,冇落梳打粉,又一佳作.

杏汁白肺湯 - 過甜,有落師傅之嫌. 不過杏仁味都幾香. 個人較喜歡港大校友會嘅杏汁白肺湯.

粵式大千蝦球 - 招牌菜之一. 蝦球爽甜彈牙,醬汁有蟹膏,辣油. 但上次食蟹膏味教濃.

瑤柱菜脯煎蛋餅 - 菜脯唔過鹹,蛋亦煎得剛熟,仲好熟腍,唔係死死實實. 簡單得嚟好食.

糯米釀雞翼 - 雞翼巨型,炸得香脆. 不過都幾飽,食唔哂.

啫啫蝦醬生菜煲 - 豆醬味過濃,但上菜時香氣四逸,都算可以.

香煎蝦米蓮藕餅 - 送飯一流.

紅薑皮蛋酥 - 雖然唔多食甜品,但當中我又幾喜歡皮蛋酥. 呢個新鮮出爐熱辣辣,一流呀!!!

多謝各方好友美酒一支支!!