香港新浪網 MySinaBlog
« 上一篇 | 下一篇 »

近來去上環食飯多咗好多,仲多過去尖沙咀,銅鑼灣. 先有Amante,又有小杬公,仲有木佬燒烤泰之味. 今晚仲去埋潮州老店兩興. 今次飯局包二樓全層,四圍檯,好熱鬧呀!! 不過食物意外地只屬一般. 相比我會更喜歡九龍城樂口福. 但有食友辛勞為我地安排,又可以一班好友聚首真係開心又滿足呀!!

當然有搞手設計精美嘅menu啦!!

多謝食友由台灣帶嚟溫泉蛋. 淡淡滷水味,蛋黃好靚好滑,超美味!!! 好感動呀!!!

多謝另一位食友遠道由印度帶俾我嘅印度薯片. 好印度味呀!! 好好食,多謝哂!!!! 又係好感動呀!!!!

揭陽甜紅薯粿 - 入面係甜甜糖漿加花生粒....呢個唔啱我喇. 搞手話潮州人頭,尾餸菜都係甜架喎! 真係唔講唔知喎!!

揭陽筍粿 - 食唔到有筍. 餡料主要係蔥粒加肉碎. 味道唔錯,不過個皮爛哂,賣相就唔得喇!

潮式豬腳凍 - 軟硬度適中,不過都係美女廚神整嘅好食啲!

滷水大拼盤 - 鵝肝,鵝腸,鵝片 - 鵝肝較老,有啲鞋. 鵝腸夠肥,爽脆,唔錯. 鵝片未係最滑,不過都算合格.

鴻運大四拼 - 菜頭卷,花枝卷,甜酸粿肉,發財卷. 各有特色,賣相嬴哂!!

好有趣!! 伸脷架!!!

清燉荷包鱔 - 味道較淡,而且鱔唔夠肥,冇咩鱔味. 樂口福比佢好好多!!

潮式炒薄殼 - 微辣醬汁炒得剛熟,肉質嫩滑,十分惹味,俾我地掃哂!!!

普寧炸豆腐 - 炸得外脆內軟,又唔會太乾,十分唔錯.

錦繡百花雞 - 又係賣相一流,但百花(蝦膠)冇咩蝦味,而且好腍. 雞肉反而嫩滑. 但整體都唔錯.

百花釀魚肚 - 呢個係同一款蝦膠,但就釀係魚肚內. 魚肚腍滑,而且每件大細一致,做得幾好.

酥炸芋泥鴨 - 芋泥香滑,鴨肉亦腍軟. 可惜食到呢度已經過多,過飽喇!!!

金腿紹菜卷 - 飽到食唔落.

半煎煮黃花 - 潮州名菜. 但食落魚肉十分鞋,絕對係過火. 完全失準.

炒手打魚麵 - 魚麵彈牙又濃魚味,非常好食. 係我食過最好嘅魚麵!!

春菜腩肉煲 - 好'青嫩'嘅春菜,咁青都係第一次見. 但又幾好食喎.

羔燒甜三寶 - 當然冇食啦!! 肯定甜到暈咗!!

當然唔少得美酒啦!!!

 

地址 : 上環文咸西街32號地下
電話 : 2850 6666

 

留言(0) | 引用(0) | 話題(食事)