香港新浪網 MySinaBlog
« 上一篇 | 下一篇 »

好同事約我食lunch,當然無選擇底下又去板前啦. 今次佢想散叫,食佢鍾意食嘅壽司. 其實佢叫嘅有好多我都唔會叫,所以今次同佢食就可以試吓其他款式.

响螺,和牛 - 响螺就真係從來都未係板前食過. 原來呢個十分正,極之爽口又鮮甜,似厚切象拔蚌. 和牛就反而一般,因為太肥,而且仲係一舊肥膏,未解凍咁. 其實火炙一吓應該會好少少.

鵝肝 - 十分細少一件,味道還可以. 不過我都係鍾意食大大件過癮啲.

三文魚籽,海膽,甜蝦蟹膏 - 好明顯就係我最愛啦!!! 不過三文魚籽就比較細粒,比平時差少少.

珍寶帆立貝,板前蝦 - 每次必食,真係好食到.......冇嘢講!!!

 

甜蝦牛奶湯 - 同事話想飲湯,就試吓呢個. 點知佢份量係普通麵豉湯兩倍,早知就叫一個啦!! 不過佢又幾好飲. 好鮮甜蝦味,牛奶亦好香,唔錯.

醋鯖魚 - 最後見到迴轉帶上有醋鯖魚,都係我必食,飽都要食埋. 呢次醋鯖魚唔錯,醃得唔太酸,肉質亦唔係死實,而且仲有魚油香味,好得呀!!

地址 : 九龍塘達之路80號又一城L1-19A號店
電話 : 2265 7722

留言(0) | 引用(0) | 話題(食事)