香港新浪網 MySinaBlog
« 上一篇 | 下一篇 »

一直都想嚟試吓佢啲扒,原來有食友都有興趣,咁我地幾個就約埋一齊五人小局. 招呼我地係一個尼泊爾年青男侍應. 佢唔靚仔,不過我被佢一口北美口音深深吸引. 佢服務細心又風趣,就係呢樣已經加分. 本來有個叫menu presentation,係侍應將一盤唔同部位嘅生扒攞到我地面前講解俾我地知. 不過我地都冇需要佢講解就立即落單. 我地叫三款都係美國牛扒. 三款質素,煮功都十分好. 睇番OR有好多劣評都有點意外. 可能係咁,大家更加覺得十分驚喜!! 最後我地瘋狂地叫咗五個甜品,連我都有興趣試就當然唔錯啦!!!

不過原來Morton's唔係Sheraton旗下餐廳,所以我嘅Sheraton卡係冇discount. 但以咁嘅質素,冇discount都值得再嚟!!!!

最後大家要忍耐我呢輯咁恐怖嘅相. 由於環境太暗,我部機又太差,所以真係冇得救. 已經好努力執過,起碼都叫睇到個樣. 因為實在太正,唔可以唔介紹俾大家. 不過大家要留意因為呢間係美國餐廳,全部餸菜都係超巨型size,所以千萬唔好點太多呀!!

大家先睇吓呢塊 New York Strip 幾吸引!!! 越多血我越鍾意!! 不過奇怪地我係唔可以睇血淋淋嘅恐怖片架!!!

都有個窗口位架!! 

可愛豬豬燈. 不過點解唔係牛牛燈呢?? 

頭盤係 crab cake 比較吸引. 

我地都係主打美國牛. 

好大個包包!! 熱辣辣好都幾好食! 

Chilled Ocean Platter 內容有大蝦,蠔,龍蝦,蟹肉,蟹腳. 有三個 size,我地呢個係中size. 蟹肉好鮮甜. 蝦,龍蝦都唔錯. 不過蠔就差啲喇,冇味嘅!!

Crab Cake 滿滿嘅蟹肉,好滿足呀!!! 佢唔係一絲絲蟹肉,而係"一梳梳",好勁!! 

Onion Soup 係十分正!!! 

Morton's Salad

New York Strip - 三款中呢款比較失色. 肉質偏鞋,不過肉汁就好豐富. 

Medium rare!! 

Prime Rib - 十分腍滑,好有牛味!!!!!! 留意佢同旁邊個茶壺比較個 size 巨型!!!!!

Cajun Ribeye - Cajun香料令牛扒味道更豐富,而且medium rare剛好,好嫩滑!!!!!! 

Hashbrown - 好大個呀!!! 脆卜卜好食! 

Sauteed Onion - 好甜,已經caramelized,好正!!! 

Grilled Asparagus - 加咗balsamic vinegar麻麻,味道唔夾. 

Dessert preentation 

Creme Brulee - 十分滑溜,唔錯!

Hot Chocolate Cake - 第一個出嚟時唔太熱又冇流心. 我地要求換過,果然十分流心. 後來先知原來要一百蚊一個,好彩我地有換咋!!! 

Lemon Flavour Souffle - 極之鬆軟,相信係我食過中最好. 

Upside Down Apple Pie - 蘋果焗得爽爽,都幾好食! 

地址 : 尖沙咀彌敦道20號香港喜來登酒店4樓
電話 : 2732 2343

留言(3) | 引用(1) | 話題(食事)

[1]

咦...點解今日的相咁暗嘅?

藍秋哥哥
[引用] | 作者 藍秋哥哥 | 28-Sep-09 | [舉報垃圾留言]


藍秋哥哥,你好似冇睇我內容喎. 我話係因為果度好黑,已經執過相架喇,不過都係唔多得.

[引用版主回覆] | 作者 胃食妹ET | 28-Sep-09

[2]

起巨型 size 都唔係一個問題, 價錢都係起巨型先係最大問題, give up............


[引用] | 作者 柏金遜 | 28-Sep-09 | [舉報垃圾留言]


其實佢大到要幾個人分,咁價錢都係幾個人分,咁都ok啦!

[引用版主回覆] | 作者 胃食妹ET | 28-Sep-09

[3] 搬家公司

謝謝分享~~
謝謝分享~~


[引用] | 作者 搬家公司 | 16-May-12 | [舉報垃圾留言]