香港新浪網 MySinaBlog
« 上一篇 | 下一篇 »

難得食友又搵到一啲偏僻地方去試新嘢. 今次去到上環,不過都好方便,就係地鐵站側. 由於比較偏遠,所以人唔多. 但意外地食物質素唔錯,值得推介. 

先嚟睇吓酷刑之一.......凌遲,係咪好恐怖呢!!

 

金錢雞賣相唔錯. 不過唔似得龍有個蜜汁淋面.

由上至下係肥膏 (冰肉),雞肝,叉燒. 都係得龍好食啲. 

配金錢雞薄餅 

功夫茶

其實係螺頭雞腳燉湯,每人一壺. 賣相幾特別,仲俾埋個茶杯俾你飲. 等你仲以為真係茶添! 哈哈!!

焗魚腸似乎只食到油炸鬼,真係唔覺有魚腸.

八寶鴿內有薏米,蓮子,鹹蛋黃.

八寶鴿開肚,內裡餡料炆得好腍,好入味,幾好食!

酥炸鯪魚球 (內有蜆介餡) 不過個餡好少,唔多食到. 而魚肉味可以,但唔夠彈牙.

馬蹄吊片煎肉餅中規中矩,都算幾滑. 不過就食唔到馬蹄.

噴火醬燒骨噴緊火

嘖火醬燒骨賣相就夠哂誇張,不過個火就對於食味冇咩大幫助. 醬汁幾濃幾杰,醃得排骨入味. 不過排骨似豬扒多啲,好大件!! 

豉油皇蒸豆腐冇特別,而且豆腐唔夠滑.

啫啫農家菜十分香蝦醬味.

企鵝雞

三隻企鵝雞賣相有啲可憐....

大家圍住隻雞係咁影!!

 

侍應將雞即場手撕,十分熟手又快手.

企鵝雞斬件上

馬拉糕

壽包

生果

地址 : 上環干諾道中133號誠信大廈地下C舖
電話 : 2511 5566

留言(1) | 引用(1) | 話題(食事)

[1]

金錢雞,企鵝雞,螺頭雞腳燉湯,還有八寶鴿
雖然口味不一樣,但覺得這餐雞的料理有點多


[引用] | 作者 台北 | 15-Sep-09 | [舉報垃圾留言]


對,太豐富了!!!!

[引用版主回覆] | 作者 胃食妹ET | 16-Sep-09