香港新浪網 MySinaBlog
« 上一篇 | 下一篇 »
胃食妹ET | 07-Sep-09 | 飲飲食食 - 鰂魚涌 | (2306 Reads)

早係七月見blog友豆豆去泳池餐廳好似幾吸引,就勞煩住附近嘅食友幫手安排. 不過大家都好忙,推吓推吓要到呢日先有得食. 但唔知點解呢間餐廳原來都幾出名,我地都未去就已經有食友,我身邊朋友去咗食.
其實地方比較細,再加上每張都係大檯,的確有啲迫. 不過為咗嚟試吓新嘢都冇計啦. 仲有免開瓶有叫做嘅酒杯都唔錯喇!! 其中有幾位相信係老闆級十分熱情,搞笑,都幾有趣!! 食物唔十分驚喜,又唔會差到食唔落,算係合格質素. 以每位百幾蚊嚟計都係好抵食!!

真係有泳池景喎!!

川芌元肉杞子桑拿蝦 - 上檯時刺開鍚紙全碟出煙,效果唔錯. 鮮蝦有川芌味,好香.

蝦子鮑片金錢生財 - 味道唔錯,素鮑魚都幾似真鮑!!

火焰羊架 - 一上檯就出哂火,又係卓頭之作. 不過個羊架又幾好味,肉都好嫩.

有石春墊底存熱

百合腰果西芹花枝片帶子 - 幾有鑊氣!

阿拉斯加大蟹粥 - 全晚焦點菜在此!

係勁大窩,有食友手指做比例!!

侍應準備特別版蟹粥

有廚神幫我拆蟹肉,好感動呀!! 蟹肉幾鮮甜,粥底都唔錯. 未至於差得如食評所講. 可能冇期望就冇失望啦!

同一時間每檯都有生日蛋糕出場. 我地都有兩位八月之星!! 不過食食吓鹹嘢食蛋糕唔多啱,最後叫侍應雪住佢.

霸王雞 - 幾入味,肉都幾嫩,ok喎!

清蒸大金鮋 - 蒸得太老喇. 不過一檯人有條大魚食吓都算唔錯喇!!

佛跳牆 - 幾足料,幾濃郁!

鴻圖炒飯 - 炒得算乾身,唔錯. 以為食埋個飯已經食完,點知仲有!!!!!!

櫻花白雲扒碧綠 - 櫻花蝦炸過好香脆,配西蘭花都唔錯. 個蛋白獻唔太杰,都得喎!!

上湯過橋絲網鮮蝦卷 - 有鮮蝦做餡料,香脆.

南瓜椰汁珍珠燉官燕 - 已經太飽食唔落. 再加上我對甜品興趣一般.

最後有男食友整嘅西柚沙冰,真係好好味呀!!!! 用新鮮西柚汁製成,絕冇防腐劑!! 另外當然仲有每位帶嚟美酒一支支啦!!

地址 : 西灣河鯉景道52號港島東體育館2樓
電話 : 2884 3348

留言(5) | 引用(0) | 話題(食事)

[1]

支 TASMANIA 幾好飲 ka


[引用] | 作者 柏金遜 | 08-Sep-09 | [舉報垃圾留言]


果晚我地都有討論呢支酒. Pinot Noir對我嚟講太薄身我反而唔係太鍾意.

[引用版主回覆] | 作者 胃食妹ET | 08-Sep-09

[2]

蟹粥真係好誇張喎.....食唔食得晒呢?


[引用] | 作者 豆豆 | 08-Sep-09 | [舉報垃圾留言]


食得哂呀,我地好大食架!! 哈哈!!

[引用版主回覆] | 作者 胃食妹ET | 09-Sep-09

[3]

這麼豐富的一頓, 需要多少埋單呢? 你們多少人享用呀? 如果人少, 還有沒有其他選擇呢?


[引用] | 作者 為食鬼 | 08-Dec-09 | [舉報垃圾留言]


佢地每日係做大檯. 所以一定要夠十二人先可以去. 你可以打去問問,我都唔太清楚仲有冇其實選擇.

[引用版主回覆] | 作者 胃食妹ET | 08-Dec-09

[4]

新年快樂唷~


[引用] | 作者 高雄搬家 | 16-Feb-12 | [舉報垃圾留言]

[5]

新年快樂唷~


[引用] | 作者 未上市 | 23-Feb-12 | [舉報垃圾留言]