起初聽到個名覺得唔多吸引,一直都提唔起興趣去. 不過今晚食完就覺得好彩有嚟試. 尤其個炆鱔真係彈牙到不得了,差唔多係我食過最好食嘅炆鱔!! 而家先俾大家睇睇個紅酒炆連皮鮮牛尾個賣相都唔錯架!!

紅酒炆連皮鮮牛尾

呢間本來係一間好似好普通嘅粥店,不過都標榜無味精,有自設魚場養魚. 但其實樓上係私房廳房.

後巷上樓上私房菜廳房,雖然樓底比較矮,但酒杯供應充足.

牆上貼有正常私房菜菜單. 我地今晚菜單經過改動.

字體幽雅.

連豉油都自家製架!!

潮式甜酸菜併心心相印 - 用豬心頂及酸菜心,所以稱之為心心相印. 豬心頂十分爽口.

鮮松菌素湯浸魚鮫 - 松茸味道極濃,汁一樣甜. 魚鮫雖然好滑,不過味道全被松茸味蓋過.

紅酒炆連皮鮮牛尾

味道可以,不過酒味唔夠濃. 當然都係靚女食友嘅最好.

好正........炆得軟硬適中.

睇吓塊皮幾吸引!!!

忍唔住要影多幾張相!!!

呢件仲正!!!

野生天麻炖魚頭

野生天麻炖魚頭湯料 - 完全失望,好淡. 唔夠火路. 最好都係順德公.

火腩炆白鱔 - 嘩!! 驚喜!!! 鱔肉極之彈牙爽口!!!

上湯鳳眼果扒鮮鷄 - 走地雞好有雞味!!! 連雞胸肉都好嫩!!

我食咗個雞冠喇!! 不過好似個雞下巴好食啲呀!!

豉油王炒麵 - 原來自家制豉油都幾淡. 不過炒得乾身,唔錯.

健味金牌粥 - 好綿好有米香,果然一流!! 好耐未食過咁靚白粥!!

鮮竹笙鳳眼果為甜品