係工作上合作有五年多嘅政府官員專職到私人公司. 起初冇得同佢再合作都幾失落,因為佢當然好好人,工作上亦好合拍,好容易同佢一齊將問題解決. 仲有...佢靚仔嘛,哈哈!!! 不過當然要面對現實,同佢冇得再合作就成為朋友. 佢工作上有問題或者唔開心有時都打俾我同我傾吓計.呢日終於可以約埋食餐飯,見吓面. 大家話題都不離公司,工作. 呢位的確係一個不可多得嘅好友.

全套公雞系列!!

翠湖藏白雪 - 中間係蛋白,蟹肉,蟹黃,外圍係菜蓉. 都唔錯,幾有特式.賣相都唔錯. 

魚湯蟹肉浸勝瓜 - 蟹肉幾粗鞋,不過魚湯勝瓜幾甜,唔食啲蟹肉都ok嘅.

ABC小排骨 - 甜酸骨,都幾開胃. 不過份量過少. 見其他人嘅好似份量多過我地碟!

椒鹽富貴蝦 - 唔新鮮,啲肉縮哂. 雖然$32隻好似好抵,不過質素一定唔及金山$28. 大細大家都差不多,不過金山嘅真係好新鮮,好鮮甜架!!

脆皮牛腩 - 牛腩幾腍,味道唔錯. 不過份量都係過少.

蒜蓉粉絲蒸蟶子皇 - 都係特價約$32,幾大隻,味道都鮮味,雖然少少過火,不過都好抵食!

蒜蓉蒸龍蝦 - $68斤. 三隻都只係$170,好抵食呀!!

好大隻,肉質亦彈牙.