香港新浪網 MySinaBlog
« 上一篇 | 下一篇 »
胃食妹ET | 19-Jul-09 | 飲飲食食 - 沙田 | (1683 Reads)

朋友當中好少鍾意燒嘢食. 所以我呢個燒烤皇后只好轉戰串燒店. 前排有變成我飯堂嘅燒閒站,今次又試試呢間屋村小店. 老闆,老闆娘都十分親切,友善. 而且唔講都唔知原來重慶燒烤佢地都有份,唔怪得知都係主要落孜然粉啦!!! 不過價錢十分經濟抵食,唔錯呀!!

帆立貝,雞翼,魷魚鬚 - 帆立貝鮮味,雞翼入味仲有蜜糖味,正!! 魷魚鬚惹味,好食!

雞肉,牛舌 - 雞肉係買貨,醃料太重,雞肉質感霉腍,唔得. 牛舌好靭,老闆再燒一串,都係一般,係來貨,部位問題.

花雕牛柳粒 - 個名就好吸引,不過食落都係過靭,唔係牛柳部位. 不過味道係唔錯. 

豬大腸,芝士丸,墨魚丸 - 豬大腸又係好靭,麻麻. 芝士丸同墨魚丸都係合格. 

雞腎,羊肉,鰻魚 - 雞腎幾爽口. 羊肉有羶味,正. 鰻魚味道唔錯!

燒廣島蠔 - 蠔幾肥美,而且食落鮮甜多汁,一流!!! 當然要encore啦!! 

燒烏頭 - 略為過火,肉質有點乾,不過都可以. 

繼續encore各款串燒!! 

鰻魚,冬菇 - 好食! 

翠玉瓜 - 可以再厚身就更好食!! 

金菇菜 - 當然美味!! 

雞脾菇 - 好多汁,好味!! 

燒茄子 - 香料令茄子更美味. 

芝士蕃茄 - 冇咩特別. 

燒粟米 - 用新鮮粟米一定好食!!! 加埋牛油更香更甜!! 

燒薯仔片 - 爽口,幾得意! 

海鮮炒烏冬 - 老闆話係招牌,當然俾面試試. 味道唔錯,不過已經好飽喇!! 

燒菠蘿 - 燒烤後更甜更香,好好食!!! 

地址 : 大圍顯田村118號A地下
電話 : 2688 0185

留言(0) | 引用(0) | 話題(食事)