香港新浪網 MySinaBlog
« 上一篇 | 下一篇 »
胃食妹ET | 09-Jul-09 | 飲飲食食 - 土瓜灣 | (1119 Reads)

靚女食友係自己家鄉小店搞局,仲要製作幾味家鄉小菜俾我地試,一於舉腳參加. 小店果然真係好小,大約只有二十個位. 不過由於都係街坊食客,食完都好快走. 我地一行十幾人都佔據佢大半間舖. 但每位呀姐都咁親切,熱情招待我地. 首先介紹小店地道小食.

土筍凍 - 肥美沙蟲凝固係由佢自己分泌出嚟嘅汁液內,好鮮味. 加上面頭紅辣椒芥末醬,極之惹味!!

五香卷 - 腐皮包住用五香粉醃嘅豬肉再加埋馬蹄粒炸,好香,好入味!!

廈門扁食 - 即係雲吞仔. 裡面有碎豬肉做餡,味道都唔錯.

炸大腸 - 夠哂肥美. 外皮真係好脆,而內裡肥膏飽滿.

炒蟶子 - 好肥嘅蟶子. 外型闊短,同平時我地食開嘅窄長蟶子唔同. 不過佢都好鮮甜,又冇沙. 唔錯.

福建春卷 - 春卷皮係薄餅,冇炸過. 入邊餡料有紅蘿蔔絲,椰菜絲,冬菇絲,蠔仔. 熱辣辣,好好食呀!!! 

蠔仔餅 - 蠔仔份量好多,幾鮮味,冇殼,唔錯.

香芋盒 - 芋蓉包住韮菜粒再炸. 芋蓉軟熟又香,配韮菜幾好,美味呀.

清炒菜心 - 簡單,爽脆.

炒豬雜,魷魚 - 加蝦仔,乾蔥落去炒更有香味.

甜芋盒 - 冇食.

跟住落嚟就係靚女食友係屋企通宵達旦整好嘢俾我地食.

炆五花腩 - 腩肉十分入味,不過略嫌瘦肉部份唔夠腍. 可以再炆耐啲.

炒米粉係潤餅其中一個餡料. 有紅蘿蔔絲,蛋絲,豆乾絲,豬肉絲.

炒海苔,炸米粉,炒花生. 聽聞好難炒,因為好易燶. 不過呢個十分好食,脆脆地,送粥最好!! 

潤餅皮

靚女食友親自示範包潤餅.

 

十全大補鴨湯 - 黨參,北耆,當歸,杞子,老鴨,再加砍隻雞,材料超豐富. 個湯甜到不得了.

糯米雞血糕 - 糯米加雞血蒸熟. 呢個係街買,但食完就好飽!!!

套腸,蘿蔔

套腸即係將細腸套入大腸,形成有兩層,口感更加豐富. 另一款係大腸釀糯米,食完又係好飽!!! 

第二晚再整多幾款美食俾我地添!!

炆冬菇好大隻,好厚身,仲要係好抵食!!

炆豬腳好腍,起初我仲以為係用南乳,點知靚女話係用雞湯架!!!! 嘩,唔怪得知咁好食啦!!

雞湯蘿蔔 - 用雞湯煮,唔甜都冇可能啦. 啲蘿蔔又靚,完全冇渣,好清甜,一流!!! 簡單就係美味.

地址 : 土瓜灣美景街44號安福大廈

電話 : 2954 9788

 

留言(1) | 引用(0) | 話題(食事)

[1] 同根生

看起來福建美食跟臺灣料理差不了多少


[引用] | 作者 台北 | 09-Jul-09 | [舉報垃圾留言]


的確係呀. 佢地應該同台南美食好接近.

[引用版主回覆] | 作者 胃食妹ET | 10-Jul-09