香港新浪網 MySinaBlog
« 上一篇 | 下一篇 »
胃食妹ET | 03-Jul-09 | 飲飲食食 - 土瓜灣 | (1575 Reads)

係美景街都好多好食小店. 呢間就係俾食友發現,一星期已經去咗兩次去掃餐牌為我地先試食每款串燒,之後就帶我地嚟叫最出色嘅俾我地食,真係感動呀!! 地方細細,但食物水準唔錯. 而且老闆娘亦好好客,送咗燒蠔俾我地食!!! 都係多得食友介紹喇!!!

串燒牛舌 - 牛舌有用疏打粉醃過,不過都幾爽口. $10串有咁多,ok啦!

大辣串燒牛舌 - 加咗辣味可以蓋過疏打粉味.

燒雞翼 - 加咗辣粉,孜然粉,好惹味呀!!!

燒雞子 & 燒雞全翼 - 燒雞子好香好好食!!

燒白鱔 - 大大件,肉又爽口,都只係$20串咋!!

燒游水大墨魚串 (厚切) - 真係好厚肉,魷魚怪當然最愛啦!!

燒茄子 - 蒜味好香,味道調得適中,美味!!

清酒焗魚春 - 外皮脆脆地,好有特色又好食!

炸大腸 - 皮炸得好脆,不過入邊太多肥膏,我就麻麻喇!!

燒立魚 - 肉質比較實,不過都燒得好香.

串燒鴨舌 - 夠大條,多肉,好食呀!! 

燒原隻細墨魚 - 原隻可以食埋啲鬚,正呀!!

四季豆 - 好甜,好美喎!!

燒原隻大墨魚 - 好大隻,肉好厚身,好鮮甜呀!!!

清酒焗墨魚子 - 冇食到,太少唔夠分. 下次再食過!!

敬送燒芝心丸 - 內裡芝士幾香,好食!

敬送燒蠔 - 隻隻都咁大,好鮮味呀!! 

地址 : 土瓜灣美景街45號
電話 : 2729 9993

留言(1) | 引用(0) | 話題(食事)

[1]

我住何文田,成日落土瓜灣揾食,但就成日淨係識去北帝街,等我下次去美景街試下先!


[引用] | 作者 豆豆 | 10-Jul-09 | [舉報垃圾留言]


一定要試呀,好過重慶燒烤.

[引用版主回覆] | 作者 胃食妹ET | 11-Jul-09