香港新浪網 MySinaBlog
« 上一篇 | 下一篇 »

今日去探探食友V新居. 由碼頭話就話行十五分鐘,但果十五分鐘真係好難挨!! 原來要上山,斜路,梯級,認真唔少嘢!! 好佩服食友V每日都係咁行上行落. 我地上到去全身盡濕,好口渴,好想飲啲凍嘢. 原來細心嘅食友V一早已經預備咗紅豆糕同紅豆冰俾我地,簡直感動不己!!! 而且係好好食. 紅豆軟硬適中,甜度對我嚟講都唔錯. 當然一整杯飲哂!! 立即身心涼快. 我地仲要又食又拎!!
之後食友V已經安排好我地去大興食海鮮. 呢間小店都好特別,係一定要預定,亦唔做walk-in客. 因為佢要安排最新鮮俾客人,真係好有心. 以每人$350嚟講簡直係超值!! 老闆昌哥亦好樂意同我分享佢飲食經驗. 令我地增添唔少樂趣!!!

陳皮蒸鮑魚

隻隻都有咁大,好認真處理!! 火路好,又鮮甜!! 每人有兩隻,大滿足!!

椒鹽帶子

其實老闆話係鮮瑤柱,真係好大隻,好厚身,極品!! 十分鮮味!! 外面又炸得夠脆!! 真係超好食呀!!! 洋蔥粒加辣椒,正!! 又係每人兩大隻!!

豉油皇大蝦 - 味道偏甜,不過我喜歡!! 蝦殼炸得脆脆,成隻食哂!! 都係每人兩隻!!

豉椒炒蟶子 - 全部去殼,老闆話有三斤蟶子肉!! 真材實料!! 好過出面食,俾一堆殼你.

梅子蒸羔蟹

真係好多羔呀!! 另一冇梅子醬仲鮮味!!

清蒸雙海斑

我的最愛 - 魚頭!

魚肚鴨掌菜炒

魚肚入味,鴨掌炆得夠腍.

鎮江骨

肉質夠鬆軟,肥瘦適中,甜酸味配搭亦一流!!!

鹹魚粒炒飯

飯粒極之軟熟,馬友鹹魚夠哂鹹香!! 飽都食哂成碗!!

老闆昌哥敬送生菜

馬拉糕 - 好軟熟! 又係好飽都要食埋佢!!

$120一樽辣椒醬 (腐乳方樽大細)

酒陣!! 估唔到入到嚟南丫島都仲可以有咁多支酒!!!

地址 : 南丫島榕樹灣大街53號地下
電話 : 2982 1212

留言(5) | 引用(0) | 話題(食事)

[1]

胃食妹,350元好超值呀,新鮮瑤柱真係未食過呀,蒸蟹睇到我流到成地口水,蟶子去左殼啖啖肉好滿足喔~~~~羨慕羨慕......


[引用] | 作者 豆豆 | 21-Jun-09 | [舉報垃圾留言]


如果你可以約齊十二個人就可以打去訂位架喇! 有興趣可以試試,真係真材實料架!!

[引用版主回覆] | 作者 胃食妹ET | 21-Jun-09

[2]

南ㄚ島?
是不是影帝周潤發的故居
我最愛吃海鮮
看到這桌料理
糟糕!肚子又餓了


[引用] | 作者 台北 | 21-Jun-09 | [舉報垃圾留言]


咦,我對香港影藝知識不夠你多,我真不知道是周潤發舊居呢!!

這餐的確不錯!!

[引用版主回覆] | 作者 胃食妹ET | 22-Jun-09

[3]

350 好抵, 不過, 南丫島我淨係去過彩虹


[引用] | 作者 柏金遜 | 22-Jun-09 | [舉報垃圾留言]

柏金遜 :
350 好抵, 不過, 南丫島我淨係去過彩虹

我本來都只係去過天虹,不過今次真係喜出望外!!

[引用版主回覆] | 作者 胃食妹ET | 22-Jun-09

[4] 對不起

對不起
發哥
我寫錯了
別介意
胃食妹寫舊居才正確


[引用] | 作者 台北 | 22-Jun-09 | [舉報垃圾留言]

[5] 大興海鮮酒家 - 南丫島

請問4個人要怎麼點菜?
每人需花費多少HKD?
二月中旬去有什麼菜色?

請板主提供意見,謝謝!


[引用] | 作者 Wayne | 07-Feb-10 | [舉報垃圾留言]


Wayne,唔好意思,呢間店只係做十個或以上既客,因為佢只係放兩張大檯,就係咁. 所以你約多d人一齊去啦!!

[引用版主回覆] | 作者 胃食妹ET | 08-Feb-10