香港新浪網 MySinaBlog
« 上一篇 | 下一篇 »
胃食妹ET | 18-Jan-09 | 飲飲食食 - 天后 | (1820 Reads)

食友相熟食店. 本為醉八仙,關門後再開為而家酒樂亭. 有靚仔師傅坐鎮,好傾又好客,食得開心!!!

先俾張靚相吸引吓大家!!

多款師傅昌哥自製果味燒酎 

士多啤梨燒酎 $90一jar - 勁香士多啤梨味,甜甜地,一啲都冇酒味. 

螢光魷魚 - 好味,不過份量幾少. 

脆炸銀魚仔 - 佐酒小吃,不過唔夠脆. 

納豆 - 不過有少少苦味. 師傅話呢隻係濃味啲,再加上我地又飲咗甜甜士多啤梨燒酎,所以有咁嘅感覺. 

好可愛嘅金魚仔!!! 

甘桔燒酎 - 酒味較濃,不過甘桔味都好清爽,十分正呀!!!! 下次一定要外賣俾媽咪試試!!! 

燒魚餅 - 師傅話係用山芋蓉加魚肉做. 個心仲有少少芝士,燒熱咗芝士流出嚟,正到吖!!!! 

燒墨魚咀 - 好味,不過可以再脆啲. 

人家叫嘅1.8L黑龍純米吟釀$900一支 - 後來師傅都請我地一人一杯試吓味. 果然好香,唔錯. 

燒雞爪心肉 - 幾刁轉,第一次食. 好香脆,有咬口,又少少辣,正呀!!! 

牡丹蝦 - 我地見有人叫,師傅係度解凍,好大隻. 問吓幾多錢,原來只係$50隻,真係....唔食點對得住自己!!! 係出邊普通size都要五十蚊啦. 叫師傅揀大隻啲俾我地. 師傅又好好心機整嘅個presentation等我地影張靚相.

睇吓同支牙籤相比!!! 

食完嘅蝦殼完全唔黑,要影底.  

昌哥由日本親自帶返嚟,二千幾蚊都請我地飲,真係受寵若驚!!! 

北寄貝刺身 - 同昌哥傾傾吓,唔知點講開北寄貝. 佢話佢地入貨都好大隻. 睇吓真係好鬼大. 又係唔食唔得啦! 

從未食過勁甜嘅生北寄貝刺身,真係好好好食呀!!!!! 平時熟食個角係紅色,甜味冇生食咁強烈!!  講起我地要食埋內臟,佢唔知點誤會我地意思,一樣切開一半,洗哂啲腸.....激死我. 不過後來佢送番個八爪魚吸盤俾我地補數,算佢啦!!! 

蝦飯團 - 外皮焦脆,蝦肉鮮甜,真係幾好食喎. 幫我地切開. 個樣都係咁靚.

內裡飯粒分明,唔會太黏. 

我都喜歡佢嘅海草. 昌哥就送一大兜俾我地!! 嘻嘻!! 

八爪魚吸盤 - 好爽脆,好得意嘅口感!! 

地址 : 天后清風街3號地下
電話 : 2571 0628

留言(4) | 引用(0) | 話題(食事)

[1]

D燒酎好似好正!


[引用] | 作者 AnneWong | 18-Jan-09 | [舉報垃圾留言]

[2]

咁樣食,埋單要幾錢啊?
每日都經呢到,因為我起天后番學!!
要試下先


[引用] | 作者 san | 18-Jan-09 | [舉報垃圾留言]

[3] Re: AnneWong
AnneWong :
D燒酎好似好正!

真係好好飲架. 冇燒酎果啲燒喉感覺!

胃食妹ET
[引用] | 作者 胃食妹ET | 19-Jan-09 | [舉報垃圾留言]

[4] Re: san
san :
咁樣食,埋單要幾錢啊?每日都經呢到,因為我起天后番學!!要試下先

我地每人約二百多. 其實價錢算合理.

胃食妹ET
[引用] | 作者 胃食妹ET | 19-Jan-09 | [舉報垃圾留言]