香港新浪網 MySinaBlog
« 上一篇 | 下一篇 »
胃食妹ET | 05-Oct-08 | 飲飲食食 - 九龍灣 | (1322 Reads)

一直好想試,因為食河鮮除咗順德公真係未試過其他. 今日終於約埋一班比較少出嚟食飯嘅酒友,好開心咁一邊食,又一邊安排下一個飯局!!!

原來佢同順德公真係九成相似,不過似乎又係順德公好少少,不過以咁嘅價位,食咁多,環境好,招呼勁好,仲想點呀!!

好多聽都未聽過嘅河魚名稱!!

呢個仁稔小食真係好好味!

天麻魚頭湯 - 非常鮮甜,食河鮮必點靚湯. 一定要預訂架!

白灼魚皮 - 超爽脆魚皮,食過番尋味!!!

炸鯪魚球 - 足料鯪魚肉,加上炸米粉外皮,又脆又鮮味!

香煎蓮藕餅 - 爽脆蓮藕夾著鯪魚肉,雖然又係鯪魚肉,呢個口感又好唔同,十分正!

瓦煲焗啜魚魚咀 - $98一個有四個魚頭,比起順德公$50一個魚頭超抵食,味道,鑊氣,一樣咁正!

炒豆漿 - 好滑溜,不過欠豆香,而且幾油膩. 少少失望.

大魧龍魚兩食 - 炒球 - 好好肉,又鮮甜. 不過比起原本想食嘅桂花冇肉質咁滑.

大魧龍魚兩食 - 椒鹽骨腩 - 極之香脆美味,比炒球更勝一籌!!!

天下第一炒 - 經理推介,有帶子及蝦粒炒成,合桃亦好香口,好食!

啫啫蝦醬通菜煲 - 份量勁多,又唔係太油,唔錯.

地址 : 九龍灣宏照道38號MegaBox 7樓6號舖
電話 : 2798 9738

留言(1) | 引用(0) | 話題(食事)

[1] 尋求美味火鍋店

請幫忙提供尖沙咀美味火鍋店..感激


[引用] | 作者 餵食妹 | 05-Nov-08 | [舉報垃圾留言]