香港新浪網 MySinaBlog
« 上一篇 | 下一篇 »
胃食妹ET | 01-Oct-08 | 飲飲食食 - 灣仔 | (1026 Reads)

食友搞大局,有四圍. 上次嚟老上海甚有驚喜,每道菜式水準都十分高. 可惜呢晚表現實在強差人意. 不單上水準唔夠,仲係失手,真係好失望. 有勞搞手一番努力!

搞手一向自製有心菜單供各人攝影用.

雖然滿檯都係紅,白酒,但老上海有陳年花雕,當然都要一試. 入口香味濃郁,味道甘醇.

小食醃蘿蔔十分美味爽口,有衝動想試試自製.

海蜇頭,燻雞脾,肴肉,脆鱔,珠荀 - 脆鱔極之美味香脆,其他水準反而一般.

老上海最聞名當然要數到燻蛋. 當晚好在冇失準,依然煙燻味十足,蛋黃溏心,正!

奶油津白 - 冇可能做得差.

炒肚尖 - 食咗第一件韌,再食多件都係韌,真係唔得喇!

砂鍋清燉獅子頭變成驚嚇糖燉獅子. 成煲嘢無論湯或肉都係甜到顛,完全係一定落錯嘢. 立即叫經理試味都係覺得甜. 我覺得廚房冇嘢再解釋係一定做錯嘢!!!

蜜汁火肪又係變甜品. 個蜜糖汁真係甜得太過份. 而火肪又乾又鞋,真係唔知廚房發生咩事.

包包配蜜汁火肪 - 唸個幾鬆軟.

冰糖元蹄又係過甜. 元蹄食得多,真係冇理由咁甜. 肉質都係略嫌未夠鬆化.

芋艿雞骨醬又係甜品之作. 又係過甜,不過呢個好彩仲食到甜味. 而且佢用芋仔唔係芋頭,口感唔夠粉,比較滑潺潺,一般.

炒雙脆冇食,因為份量少得驚嚇. 十六人一圍,一人一件都冇.

龍井蝦仁又係份量少得過份,數過只可每人三粒仔. 後來搞手都覺得唔對路,要多加一碟. 可惜佢冇龍井味,蝦又冇蝦味,唉........

砂鍋醃篤鮮唔夠鹹香,飲唔出有金華火腿味,又係唔得.

大家失望之際,搞手立即多加唔會失拖嘅松子魚. 好彩係正常甜度!!

蔥油餅算好好喇,唔太油,又鬆脆,又有好香蔥味,好食到要打包!

另一味失準就係煎八寶飯. 極之油,又唔脆. 搞到食友立即攞去廚房問個究竟!!

棗泥鍋餅唔多啱我唔喜歡食甜嘅人,一睇都知會好甜!

地址 : 灣仔謝斐道238號世紀香港酒店地庫一層
電話 : 2827 9339

留言(3) | 引用(0) | 話題(食事)

[1]

呢個廚房大佬倒米喎!
炒肚尖本來係好好味好爽嘅主菜,咁大間嘅飯店都會炒壞?浪費食物,炒佢啦!


[引用] | 作者 豆豆 | 01-Oct-08 | [舉報垃圾留言]

[2] Re: 豆豆
豆豆 :
呢個廚房大佬倒米喎!炒肚尖本來係好好味好爽嘅主菜,咁大間嘅飯店都會炒壞?浪費食物,炒佢啦!

係啦,真係唔知個廚搞咩鬼,好失望呀!

胃食妹ET
[引用] | 作者 胃食妹ET | 02-Oct-08 | [舉報垃圾留言]

[3] Eileen Bobo

Unhappy bib buy testosterone enanthate 300 rail nut?! Known help buy testosterone level test tilted need. Suntan ice steroids back pain desk fume... Parent stale steroids 8 week cycle cone.


[引用] | 作者 real thaiger pharma | 02-Aug-17 | [舉報垃圾留言]