香港新浪網 MySinaBlog
« 上一篇 | 下一篇 »
胃食妹ET | 04-Sep-08 | 飲飲食食 - 上環 | (1847 Reads)

本來只係又一次嘅飯局,不過蔡瀾嘅出現帶來驚喜. 起初以為佢路過來打個招呼,點知原來係食友搞手刻意安排蔡瀾參加我地是次飯局. 蔡瀾十分友善,主動去每一檯打招呼,又不停做佈景板同我地影相. 仲問我地佢新一輯飲食節目想有咩主題,佢特別為我地拍!! 哈哈,又幾nice喎!!

係蓮香樓晚飯係第二次. 兩次都好滿意. 食物質素唔錯,未算好好食,不過好抵食. 今次呢餐只不過每人$170!!

冬瓜盅 - 十分大嘅冬瓜盅,十二個人都差啲飲唔哂!

美味清甜

蔡瀾一齊食飯助慶!!

燒雞肝 - 我都係鍾意太興果個多啲. 呢個雖然味道唔錯,不過奇怪地好漿口.

金黃雞肝

八寶鴨 - 蓮香樓名物. 整隻鴨連餡料都炆得極之腍,好入味!! 我連鴨頸連骨都食埋!! 美味!

開光後八寶鴨

醬燒骨 - 甜酸味幾假,而且過甜. 肉質好'鞋',好似煲完湯瘦肉. 最差呢味.

煎釀鯪魚

魚肉好散,不過味道唔錯,有果皮,都係功夫菜之一.

 

炆斑翅 - 呢個最美味. 魚鰭位肉質嫩滑,而且先炸後炆,魚鰭魚尾脆卜卜,好食呀!!!

上湯花竹蝦伊麵底 - 花竹蝦勁大隻,又彈牙,又鮮甜,蝦頭又多膏,真係好過西貢海鮮酒家質素.

魚唇扒生菜 - 起初大家都以為係花膠,不過冇理由咁好有花膠食嘛. 後來先知係魚唇.

好似花膠咁大嘅魚唇,炆得又腍又入味. 十分好食!!!

焗魚腸 - 略乾,而且有某食友食到少少苦. 聽聞都係洗唔乾淨所致. 所以森記魚腸真係一流!!!

香煎藕餅 - 已經開始飽到食唔落,而且印象朦朧,不過應該都唔錯.

福建炒飯 - 飽到食唔落喇,冇食!

西米布甸 - 西米太腍,味道ok.

蓮蓉/麻蓉包 - 食咗少少麻蓉包,都幾好味,不過少少乾.

馬拉糕

蜂窩馬拉糕 - 呢個都好勉強食咗一啖. 所以打包返去孝敬媽咪好喇!!

地址 : 中環威靈頓街160-164號
電話 : 2544 4556

留言(4) | 引用(0) | 話題(食事)

[1]

嘩..燒雞肝..好吸引咁.你唔講真係唔知蔡爛咁nice

JO
[引用] | 作者 JO | 04-Sep-08 | [舉報垃圾留言]

[2]

蔡瀾有冇飲醉酒啊?

Oasis
[引用] | 作者 Oasis | 04-Sep-08 | [舉報垃圾留言]

[3]

hehe...約左朋友仔911去食囉emotion好期待呀!多謝介紹

包包
[引用] | 作者 包包 | 04-Sep-08 | [舉報垃圾留言]

[4]

我最近都有去蓮香樓喎....但都撞你唔到!(唔開心),佢原來有雞肝咩?


[引用] | 作者 豆豆 | 06-Sep-08 | [舉報垃圾留言]