香港新浪網 MySinaBlog
« 上一篇 | 下一篇 »
胃食妹ET | 06-Apr-08 | 飲飲食食 - 九龍灣 | (927 Reads)

有幸可以出席千載難逢嘅滴金酒聚真係好難忘. 可以飲到靚酒當然開心,仲可以食到好嘢就更加開心. 而且又認識到一班都係好飲好食嘅新朋友,即時已經約緊下一個飯局喇!!!!!

5L巨無霸!! 同隔離支正常750ml相比真係好誇張!!! 多謝早走嘅靚佬!!

今次係酒聚,所以先睇酒相!!

三支滴金瞓係冰入邊都特別靚啲!! 哈哈!!

蔬菜沙律 - 新鮮蔬菜沙律當然唔少得!最正又係個芝麻沙律汁!!!!!

 

牡丹蝦刺身 - 真係優質!! 勁大隻,勁彈牙,勁鮮甜!!!

椒鹽牡丹蝦蝦頭 - 哎呀,影唔到啲蝦膏有幾澎湃!! 真係好多膏,好好好食....我食咗...都有四個....嘻嘻!!

第一次食原隻北寄貝,個意外係.....

佢十分肥美又鮮甜,好食過平日食果啲!!

最緊要係原來入邊啲腸仲鮮味,真係第一次食.  點解咁好食,係出邊都係洗哂佢呀,激死人喇!!!!

燒雞肝,燻蹄,滷水魷魚 - 今次個雞肝外表就好似黑咗啲,不過食落又唔係咁燶.而且外脆內軟,好食呀!!!

豬油渣炒菜芯 - 今次豬油渣好脆口,原來真係幾好食喎!

燒肉拼叉燒 - 燒肉夠脆皮又肉質鬆軟. 叉燒係半肥瘦,真係冇得彈!!!

燒鵝 - 好耐冇食燒鵝,呢個肉質嫩滑. 太興啲燒味又真係幾得喎!

蒜香骨 - 雖然有加蘇打粉,不過只係肉質鬆軟,蘇打味都唔係太勁. 整體其實係好好食!!

主角滴金出場,當然就係鵝肝伴佢出嚟啦!! 自己煎自己果塊,好好玩呀!!

已經準備哂堂煎工具

先上麵粉

唔使加油就煎得架喇!!

睇吓廚神幫我煎得幾靚,外脆內軟就唔使講啦!

豬油撈飯

粒粒都咁香. 本身唔好澱粉質嘅我都破例食咗兩小碗,可想而知有幾好食呢!!!!!!!!

最後最緊要要多謝搞手Jeff安排美酒,另外太興高層David為我地安排美味菜式. 好滿足,好感動嘅一個下午!!

地址 : 九龍灣宏照道38號MegaBox L10層7號舖
電話 : 2359 0138

留言(2) | 引用(0) | 話題(食事)

[1]

胃食妹,我今晚無食飯,而家都好肚餓,點算呢?睇見就重肚餓添.....
我都收埋左一支5公升同3公升嘅意大利紅酒呀,塭日俾相你睇丫!


[引用] | 作者 豆豆 | 09-Apr-08 | [舉報垃圾留言]

[2] Re: 豆豆
豆豆 :
胃食妹,我今晚無食飯,而家都好肚餓,點算呢?睇見就重肚餓添.....我都收埋左一支5公升同3公升嘅意大利紅酒呀,塭日俾相你睇丫!

咦,原來你都好飲架,好呀,我想睇呀!!

胃食妹ET
[引用] | 作者 胃食妹ET | 13-Apr-08 | [舉報垃圾留言]