香港新浪網 MySinaBlog
« 上一篇 | 下一篇 »
胃食妹ET | 30-Mar-08 | 飲飲食食 - 金鐘 | (1782 Reads)

今次wine dinner其實係力寶軒一週年加酒經月刊十週年而特別設計嘅一個全鮑魚宴. 由於力寶軒新老闆亦係愛酒之人,所以轉手後原來已係力寶軒有過好幾次wine dinner,唔講又真係唔知喎. 不過wine dinner我都去過唔少,但咁大型今次真係第一次. 當然要多謝酒友邀請.

就係見到呢隻鮑魚都覺得值回票價.

好多酒杯,今次有十款酒,所以杯亦多。

當晚菜單

力寶軒老闆致詞

酒經月刊老闆致詞

切餅儀式

滷水南非鮑 - 滷水味極濃,蓋過鮑魚味。

鴛鴦鮑魚棗 - 芋頭同蝦膠兩款外皮。

蝦膠呢個鮑魚切粒,唔係好食到鮑魚味,可能有太多其他粒粒。

芋頭呢個好味,鮑魚切細片,有鮑魚汁,真係好正!

西紅柿鮑魚 - 用蕃茄煮鮑魚真係第一次食,幾有創意。不過有創意都未必代表好食。

只係一個蕃茄汁,加隻鮑魚。我個人就覺得唔多夾。反而鮑魚本身質感就十分唔錯。

白紅白紅,幾得意。不過上菜有啲快,啲酒未飲哂又下一隻。

青欖燉鮑魚 - 呢個湯十分清甜,有淡淡青欖味,不過鮑魚味欠奉。

三十五頭吉品鮑魚扣鵝掌 - 全晚至好味當然佢最好。都係傳統做法最好食。

呢個十分糖心,要慢慢品嚐。力寶軒老闆話係要用糖呢個糖字去形容鮑魚,唔係三點水果個。因為個心真係糖咁甜!!!

同場加映仲有歌唱表演同魔術。呢個肥仔魔術師都幾得意,又搞笑!!

年年鮑有餘 - 用鮑片卷魚肉,係蛋白豆腐上清蒸. 個蛋白豆腐極滑,個獻汁亦調得十分好味,呢個好滿意!!!

鹽焗大連鮑 - 賣相唔錯.

有陳皮絲,不過一定焗得太耐,好韌!!

原隻鮑魚撈起麵 - 呢個傳統做法鮑魚好美味!

鮑魚汁撈麵好食呀!!!

咖哩鮑魚酥 - 呢個焗得皮脆香口,唔錯!

當然內裡咖哩鮑粒都好好味!

負責今餐嘅兩位真兄弟師傅同大家飲杯!!

富貴糖心清甜湯 - 當然冇鮑魚味,只不過統一起見加多片鮑魚完成整晚鮑魚宴.

我抽中嘅Zinfandel 2003!!!! 真幸運. 不過要唱歌先可以攞獎. 都好彩早前同食友唱過吓K,唔係就真係上台都分分鐘腳震呀!!!

地址 : 金鐘力寶中心地下
電話 : 2526-1168

留言(6) | 引用(0) | 話題(食事)

[1]

胃食妹,我估傳統做法的鮑魚會最美味的,是嗎?話是話,一晚吃那麼多鮑魚胃部會否受不了?不然你下次靜雞雞帶我一塊兒去啦,嘻嘻.....
麻煩你 e-mail訂海鮮的資料給我丫,謝謝你!mableaunt@sinaman.com


[引用] | 作者 豆豆 | 31-Mar-08 | [舉報垃圾留言]

[2] 全鮑魚宴

哇~~~為食妹~~我正係要隻鮑魚就夠啦~~
正呀~~~

Miss Jubie
[引用] | 作者 Miss Jubie | 01-Apr-08 | [舉報垃圾留言]

[3]

滷水鮑魚真係未食過喎!幾特別!
不過我都覺得蕃茄汁分佩鮑魚,總是夾夾不入!
始終鮑魚都係用傳統方式煮會好味好多!

藍秋哥哥
[引用] | 作者 藍秋哥哥 | 05-Apr-08 | [舉報垃圾留言]

[4] Re: 豆豆
豆豆 :
胃食妹,我估傳統做法的鮑魚會最美味的,是嗎?話是話,一晚吃那麼多鮑魚胃部會否受不了?不然你下次靜雞雞帶我一塊兒去啦,嘻嘻.....麻煩你 e-mail訂海鮮的資料給我丫,謝謝你!mableaunt@sinaman.com

可能有酒一齊咁食又唔覺喎!好,下次一定通知你!!!

胃食妹ET
[引用] | 作者 胃食妹ET | 07-Apr-08 | [舉報垃圾留言]

[5] Re: Miss Jubie
Miss Jubie :
哇~~~為食妹~~我正係要隻鮑魚就夠啦~~正呀~~~

哈哈哈!!!

胃食妹ET
[引用] | 作者 胃食妹ET | 07-Apr-08 | [舉報垃圾留言]

[6] Re: 藍秋哥哥
藍秋哥哥 :
滷水鮑魚真係未食過喎!幾特別!不過我都覺得蕃茄汁分佩鮑魚,總是夾夾不入!始終鮑魚都係用傳統方式煮會好味好多!

真係,傳統煮最好食!

胃食妹ET
[引用] | 作者 胃食妹ET | 07-Apr-08 | [舉報垃圾留言]