香港新浪網 MySinaBlog
« 上一篇 | 下一篇 »
胃食妹ET | 21-Mar-08 | 飲飲食食 - 紅磡 | (823 Reads)

食友今次安排一餐特色飯局 - 越南菜. 印象中我就未參與過越南菜飯局,當然要睇吓搞手要介紹咩特色越南食品啦!!

小店係不起眼橫街,門口亦十分細,要搵都唔容易,多位食友都搵唔到正確位置要求救.

炸軟殼蟹 - 略油,不過唔會炸得太乾.

蔗龍蝦 - 龍蝦肉鮮甜彈牙!

燒大頭蝦 - 大頭蝦個頭果然大,又多膏,好甘香呀!!

炸龍蝦餅 - 依然彈牙!

越南春卷,包春卷生菜及香葉 - 春卷好正宗,夠哂鬆脆.

香茅牛肉蝦片 - 牛柳粒有燒烤味,蝦片香脆,略嫌蒜粒太多有少許苦味.

酸辣鳳爪 - 夠入味,酸辣平衡適中.

啤酒蟹 - 啤酒味唔太濃,不過蟹就有點霉,好似唔多新鮮,定被啤酒醃等過久. 但啤酒湯十分鮮甜,飲咗好多碗.

咖哩鴨 - 咖哩香而不辣,鴨味濃,幾特色!

茄汁牛腩 - 茄汁酸酸地配上濃濃牛腩味,十分好食!

越南檬粉 - 當然落茄汁或咖哩汁撈嚟食啦!

火車頭 - 湯底極鮮甜,帶少許酸味,十分醒胃. 我地仲要求俾多碗清湯淨飲!!!!

酸湯浸牛肉 - 酸味點點過濃,又太甜,呢個失準. 不過牛肉依然嫩滑!!

整體食物質數唔錯,當然亦十分經濟. 要讚讚個魚露味道十分正,又酸又辣,又勁多蒜蓉,我地每人都差唔多食咗佢半樽!! 有機會一定要再去!!

地址 : 紅磡寶其利街12A與黃埔街42A交界
電話 : 2334 5818

留言(2) | 引用(0) | 話題(食事)

[1]

蔗龍虾?炸龍虾餅?真係用龍虾嚟整架?好好味咁喎.....


[引用] | 作者 豆豆 | 23-Mar-08 | [舉報垃圾留言]

[2] Re: 豆豆
豆豆 :
蔗龍虾?炸龍虾餅?真係用龍虾嚟整架?好好味咁喎.....

佢話囉. 不過都好好食,好彈牙.呢度雖然環境唔得,不過質素唔錯,值得試.


[引用] | 作者 胃食妹ET | 23-Mar-08 | [舉報垃圾留言]