香港新浪網 MySinaBlog
« 上一篇 | 下一篇 »
胃食妹ET | 05-Mar-08 | 飲飲食食 - 觀塘 | (2292 Reads)

前排天寒地凍,打邊爐不絕,不過食得多,介紹得多都怕人地睇得悶. 所以今次間場加插大排檔美食.

從來對九龍東都十分陌生嘅我,唔係食友介紹又點會知道有呢個魚腸專門店呢!! 呢個名其實都係我地改,因為佢魚腸又多又新鮮,真係唔係好多地方食到咁好!

先有魚腸蒸蛋 - 又香又滑,絕對一流!!

焗魚腸 - 相比蒸就老火少少

煎魚腸 - 比較乾身,魚腸味未夠突出

薑蔥魚腸煲 - 呢個不得了,又多魚腸,加埋薑蔥好香,想而家即刻食呀!!

新鮮生魚腸 - 勁多肥膏....

其實係好大份. 只係$38有四份咁大,係咪好抵呢!!

滾完魚腸係湯面嘅油...好嚇人呀!

薑蔥鯉魚煲 - 成兩斤新鮮鯉魚,個湯十分鮮甜,只係$68咋!!

仲有鯉魚春都一樣咁好味!

炸大腸 - 外脆內軟,好耐冇食過咁正嘅炸大腸喇!!

薑蔥魚卜 - 呢個係必叫. 魚卜又多又滑,超級好食!

椒鹽鮮魷 - 雖然外面未夠脆,不過魷魚十分新鮮已經好足夠.

豬潤田雞煲 - 田雞仲多過豬潤,超值!

紅燒豆腐 - 有人話唔夠熱,不過我食果件出哂煙! 好味!!

豉油皇鵝腸 - 鵝腸雖然未夠入味,但十分爽脆!

豉椒炒蟶子 - 都幾鮮甜多肉,又係抵食!

椒鹽瀨尿蝦 - 雖然細隻,不過好鮮味,脫殼亦容易!

豉汁蒸白鱔 - $38咁好味邊度搵呀!

椒鹽雞軟骨 - 份量多又好香脆,送酒一流!

又平又好食,點可以唔再嚟呀!!!!!

地址 : 觀塘仁愛圍24號地下
電話 : 2790-5240


[1]

呢間野真係又平又正, 下次我一定要試下炸大腸呀.


[引用] | 作者 eatcheap | 05-Mar-08 | [舉報垃圾留言]

[2]

我自小也不吃淡水魚。除了鯉魚春和香脆的鯉魚鱗。不過很久也沒吃過了 :(


[引用] | 作者 Cicely | 05-Mar-08 | [舉報垃圾留言]

[3] Re: eatcheap
eatcheap :
呢間野真係又平又正, 下次我一定要試下炸大腸呀.

下星期有機會啦!

胃食妹ET
[引用] | 作者 胃食妹ET | 06-Mar-08 | [舉報垃圾留言]

[4] Re: Cicely
Cicely :
我自小也不吃淡水魚。除了鯉魚春和香脆的鯉魚鱗。不過很久也沒吃過了 :(

唔好揀飲擇食呀!

胃食妹ET
[引用] | 作者 胃食妹ET | 06-Mar-08 | [舉報垃圾留言]

[5] 謝謝 胃食妹

好吸引呀..我今晚想去呢度呀...但我唔知近邊度,可唔可以話我知附近有D咩呀...

唉...唔知點解,而家D大真正既大排擋已經買少見少...特別係九龍...多D介紹九龍東啦...胃食妹~~

謝謝你呀...而家實在有太多連鎖店喇..又貴又冇特色...


[引用] | 作者 車厘子 | 06-Mar-08 | [舉報垃圾留言]

[6] Re: 車厘子
車厘子 :
好吸引呀..我今晚想去呢度呀...但我唔知近邊度,可唔可以話我知附近有D咩呀...
唉...唔知點解,而家D大真正既大排擋已經買少見少...特別係九龍...多D介紹九龍東啦...胃食妹~~
謝謝你呀...而家實在有太多連鎖店喇..又貴又冇特色...

其實觀塘我都唔熟,上次都係朋友帶我去,泊車係APM行去十分鐘,你睇吓地圖應該知. 佢係條巷尾,巷頭第一間叫新南苑,好大個banner,你一定睇到.之後行入巷尾就見架喇. 希望你搵到啦!

胃食妹ET
[引用] | 作者 胃食妹ET | 06-Mar-08 | [舉報垃圾留言]