香港新浪網 MySinaBlog

好同事即將轉工,離開我地之前都想同我地食餐午飯. 上次帶過佢地黎呢間,佢都覺得唔錯,好耐冇黎質素都冇變,抵食好食! 三,四十蚊一個客飯,有豆漿,食送,白飯或菜飯任添,水果,甜品,真係超值架!!! 坐埋的士都抵過係又一城食呀!!

最傳統既上海菜式之一 - 回鍋肉

 (閱讀全文)

睇到最新一期飲食雜誌介紹呢間店,本來平時我都好少會跟咁貼去追訪新店,不過咁橋要去九龍城買野,即管去試下佢虛實. 點知係失望而回. 雜誌上吹捧主理人入廚三十幾年,係多間有名食肆都做過,門口收銀機仲貼有主理人同一大堆鮑魚合照. 不過呢間係食米線粥舖,唔理你以前整鮑魚有幾叻,不過都唔可以欺騙顧客. 大家都好少見我彈得咁厲害,不過我真係覺得佢好唔掂.

香脆魚米線 - 雜誌上推介. 魚湯淡而無味,只係普通過普通既一個湯底,完全唔可以稱得上係魚湯. 我有諗過會唔會係雜誌一出,突然顧客增多,應接不暇,所以魚湯煲唔切所以加水. 但我都係覺得唔可以係藉口. 既然出名係魚湯,點都要有番個質素. 好老實我係飲哂d湯,因為我要試真佢有幾正既魚味,可惜我飲哂都說服唔到自己呢個係用心煲出黎既魚湯. 脆魚係似椒鹽魚腩,都幾香脆,不過肉好實同鞋,炸到過哂火. 我再加魚滑,我感覺似交來既貨,係魚檔旁邊賣既魚滑,質素一般.

 (閱讀全文)

之前去過九龍城果間何伯真係好唔掂. 呢間老字號真係特別唔同. 起碼粥底冇打獻亦冇味精,真材實料.

其間仲聽到有顧客話特登由紅磡坐車過嚟食. 阿姐仲話有個婆婆每星期都由粉嶺坐車過嚟食粥. 就算蝦米腸咁簡單都整得好好食! 直得推介!!

招牌魚卜粥

 (閱讀全文)

有位清酒達人有一批快要到期要飲嘅酒拎出嚟同我地分享,實在十分感謝佢. 最特別呢位清酒達人酒量好淺,飲得好少,只係每款淺嚐,主要都係我地飲. 佢同傭人帶咗十幾支清酒嚟,真係辛苦哂! 要飲清酒當然要用日本食物配襯,但又要免十幾支開瓶費都有少許難度. 最終當然都係要搵我相熟嘅味一番先可以全免開瓶費. 當晚預先寫好人頭計菜單比較方便. 相信大家飲飽食醉都好滿足!

十二支清酒曬冷!

 (閱讀全文)

有幸被選中出席Openrice舉辦嘅"法國廚皇 豪華鮑翅 試食晚宴". 當晚筵開兩席,有獨立房間. 而且亦已準備紅,白酒配菜,絕對有誠意. 而且大會亦安排每席有名苑高層人仕即場講解每道菜式,十分細心.

鮑魚係佢地招牌菜之一.

 (閱讀全文)

我地四又出去覓食喇! 今次去到灣仔呢間唔起眼嘅貌似茶餐廳小店. 聽聞係麵創坊旗下,因為菜式完全一樣. 不過我未去過麵創坊都冇咩關係啦,總之好食就得喇!! 呢次又俾我地發現到隱世廚神! 呢度每款小菜都幾有特色,而且又好食. 最後老闆出嚟同我地打招呼話佢仲可以做埋私房菜,鮑參翅肚都一樣得架!! 咁我地真係要搵次去食私房菜,當然會選擇平民版啦!

其實係知道有醉酒鵝肝,想嚟咗試好耐架喇!!

 (閱讀全文)

飯局搞手又安排海景軒飯局. 今次分兩局,有'懷舊編'及'嚐新編'. 由於我都去過海景軒唔少次,所以當然報名去'嚐新編'啦! 今次新菜式未至驚喜,但都算唔錯.

新菜式中比較喜歡呢個錦繡一品豆腐.

 (閱讀全文)

胃食妹ET | 20-Apr-11 | 無無聊聊 | (701 Reads)

今日唔講飲飲食食,講少少嚴肅話題. 係Yahoo Kpost上面睇到呢個分享. Name仁兄所講完全唔係冇可能,大家可以仔細閱讀,再細心分析.

Picture

一點聯想.....(陰謀論) - 作者: Name

當然, 我們在數千公里外的平民百姓好難話有好實質証據, 但將日本核災好多事件串連起來, 不能不令人有以下聯想: 

 (閱讀全文)

辣人快d入黎睇喇!!!! 又係到出動食辣野既時候喇!! 好可惜搞手瀨野王突然病倒,所以無法參與. 放心,我地食完呢次咁滿意一定會再黎架!! 到時記得搵埋我呀!! 睇Openrice食評好多都話食物得,服務唔得. 我地當日又完全唔覺得喎! 只不過係要等耐少少,都可以接受. 佢個辣雞煲真係好掂. 到現時為止我食過最滿意既辣雞煲. 夠麻夠辣絕對係重點!!! 聽聞隔離川香苑都唔錯,搵日都要去試試比較一下!

大麻大辣雞煲 - 香料十足,夠哂惹味!!!!!!!

 (閱讀全文)

知道環球貿易廣場ICC落成及已入伙,已經心思思想去試試入面嘅新食肆. 尤其對熾哥旗下嘅龍璽及ICC頂樓嘅酒吧Ozone較有興趣. 不久竟然收到食友邀請一齊去龍璽飲茶,實在太好喇!! 食物質素好好,有靚景當然正啦,服務就仲差少少,有進步空間. 不過同檯食友覺得四季龍景軒比佢好,我未試過龍景軒未能比較.

燒腩肉十分靚仔!

 (閱讀全文)

Next