香港新浪網 MySinaBlog

我由細到大極少食車仔麵,唔知點解. 同朋友傾開計,佢地話銅鑼灣榮記係十分出名既車仔麵. 我真係孤陋寡聞,未聽過. 佢地講到不知幾好食咁,我都好想去試. 某日去銅鑼灣,諗起呢間榮記,即管去試試. 未入店前先打俾朋友問有咩係必食,佢話蘿蔔,翼尖,大腸.

我就聽佢話點哂呢三樣. 但我話我仲要食飯,食唔落d麵好o徒. 佢話可以淨食送,咁就太好喇!! 蘿蔔果然清甜冇渣,真係一流! 翼尖夠哂入味,炆得夠腍. 反而大腸唔係好夠肥,冇咩香味,都係炸大腸好食d!! 個腩汁都唔可以睇少佢,夠肉甜味,五香味,唔過濃,當湯飲都可以!! 果然好介紹!!

地址 : 銅鑼灣糖街27號A地下
電話 : 28082877


某個懶洋洋既星期六,一點幾先起身,梳洗後上下網,玩下Facebook咁就已經三點有多,都仲未食飯,諗諗下就不如去元氣食下壽司啦! 雖然日本出左事,但我都相信短時間都未影響到香港食材,更況且好多連鎖店都唔會用正日本貨,所以都可以安心食!

火灸燒明太子魷魚 - 照片賣相唔錯,上檯都同張相分別唔大. 魷魚唔韌,燒左有少少焦香味. 加埋鹹鹹既明太子配搭得幾好.

 (閱讀全文)

有睇開我blog既朋友都好少見我post人相,今次咁特別,仲第一張就係兩位靚仔相,當然有原因啦!! 佢地兩位就係近江八幡坐鎮. 其實點解叫'近江八幡'係因為呢個係日本一個地方有好多出名商人,所以店主可能都希望佢有日成為一位出名商人. 今次有幸得Meling邀請一同去試菜,感到無上光榮,因為原來只得六人咋!!! 小店亦因為招待我地晚上關門一天專心為我地做菜. 兩位俊男親切友善,再加上另一位傳奇食客放工後每日變成義工係小店幫忙落單,送外賣,各人用心經營小店,一定要多多支持!!!!

左邊有頭巾叫Simon係大廚,曾參加過2005件香港先生選舉,亦你係電影《安非他命》演出過. 另一位係香子俊係益力多廣告演出過. 所以有兩位靚仔,一定吸引唔少附近學校既美少女去幫襯.

 (閱讀全文)

收到The Mira公關Phoebe邀請試試佢地旗下餐廳. 比較出名嘅國金軒同Yamm都已經去過好多次,所以希望試試Whisk嘅法國Fusion菜.

原來當日只有我同公關兩人,令我立即諗到如果公關每次只陪同一,兩位blogger進餐咁佢咪成日都要食食食??!!! 不過學Phoebe話齋,飯都係要食嘅,睇下食得幾豐富咁啫! 哈哈,又係喎! 坐低後,我就由Phoebe發板,點一啲推介菜式.

睇下個樣都已經好吸引喇!!!

 (閱讀全文)

醒起生日時同事請我去呢間食,都唔錯呀! 抵食又好食!! 午市比較靜,不過食物都有水準. 下次要夜晚黎試試佢手勢先!!

生蝦刺身 - 十分新鮮,肉又夠厚身,正呀!!

 (閱讀全文)

胃食妹ET | 22-Mar-11 | 菜式分類 - 日本菜 | (761 Reads)

早前收到公關邀請體驗Oisix產品. Oisix係一間日本網上食品超市,係日本已逾10年歷史,2009年初登陸香港。佢地每星期從日本空運最新鮮的食材,透過宅配方式送到客人府上,人氣產品包括野菜 盒、各款旬味水果、鮮魚水產加工品、和菓子等,強調新鮮、美味、安心! 雖然日本東北地區地震,但佢會供應係東北以外地區食物,亦有以下四個步驟確保商品係無慮:

1)在福島電廠輻射圈內100公里內的商品,將停止銷售。
2)在包裝的倉庫也將配置放射線物質測定器,確保進貨的食品沒問題。
3)在日本物流的動線也不會經過災區。
4)配合香港政府可能也會針對日本進口商品做檢驗。

送貨十分準時,抵讚!

 (閱讀全文)

之前黎過食另一個套餐覺得好抵食,今次帶幾位好友黎試試.原來上次個特價餐已經冇左,只係得番一個$198加一套餐. 本來我想散叫,不過朋友們話就叫個餐唔使諗,再加埋二百蚊有翅有蝦有鮑魚睇落都好抵. 但最終未算十分滿意,而且呢個份量對幾位猛男黎講實在唔夠,所以都要另叫白飯. 老實講個份量係少過我之前食,不過冇法啦,物價高企,我寧願少d都好過質素差左. 

濃湯菜膽翅 - 真係好大份翅,但最慘係成個湯唔夠熱,真失敗.

 (閱讀全文)

某日突發同幾位食友開餐. 好耐都冇試過咁即興,因為我地食親飯都係訂好檯,預早安排. 今次我地四個企係條街諗去邊度食飯,好在有個好叻好快咁提議去馬拉盞.入到店內都幾冷清,相比隔離素食店要排長龍差好遠. 但其實食物水準好好,服務都唔錯,而且十分經濟. 我地四人叫三人餐,加多杯飲品同喇沙,各人食得飽飽每位都只係一百蚊. 我咁鍾意食星馬菜,一定要多多幫襯喇!!

印刷色彩繽紛既menu!!

 (閱讀全文)

胃食妹ET | 17-Mar-11 | 自家製作~好味呀! | (1866 Reads)

膽粗粗係團購網站用左$280買呢個開蠔班,仲拉埋一班好姊妹落水同我一齊做白老鼠. 對於呢間海の子生蠔會完全冇認識,都怕怕地會出事,但抱住冒險精神就即管去試. 印左優惠券,同姊妹約好時間就立即打去訂位. 聽電話男士十分有禮,果刻都安心少少. 但到開班前幾日,有位小姐打黎話由油麻地改左去上環,我心諗係咪玩野架,差咁遠既,個心又寒一寒. 冇法啦,要改都要去,又俾左錢. 去到見到係真架,冇俾人呃架,成個人開心番哂!!!!!

先睇下呢隻我開既蠔幾靚仔!!!

 (閱讀全文)

胃食妹ET | 16-Mar-11 | 自家製作~好味呀! | (1049 Reads)

公關邀請參加呢個烹調班,起初冇抱太大期望,只不過因為我本身都有食開麥皮,又即管睇下麥皮可以整咩食!! 去到原來係每人有一個工作檯,自己有得玩,有得煮,當堂開心哂!! 仲有靚仔營養師哥哥Leslie風趣幽默咁教我地煮野食之外,仲教我地好多營養知識. 仲有靚女公關Wing照顧周到,真係玩得好開心呀!!!

Leslie笑容滿面,大家都好開心可以跟佢學野!!

 (閱讀全文)

Next