香港新浪網 MySinaBlog

知道早排Openrice安排過係呢間中菜廳試食,雖然冇份去,不過睇完食評好似幾吸引,所以呢日去試試. 唔知係個主廚唔係度定係我地叫唔啱菜式,我覺得好多味都做得唔多好. 但唔應該個主廚唔係度就做得差,又或者只係招牌菜先做得好. 今次實在失望. 服務還可以,但佢將所有人放係前排,但又剛剛係風口位,叫佢閂細又話係中央冇得整,但又咩都冇做. 我覺得一係叫我地換位,一係俾披肩我地囉. 唔緊要啦,啲食物咁一般,有八折都唔會再嚟喇!

鎮江肴肉 - 不過不失,不過肉欠少少香味.

 (閱讀全文)

假日同家人嚟飲個靚茶. 相信由於已訂位,所以被帶到廂房. 睇食評有人話嘈到好似街市咁,我估佢係坐咗係大堂,果度雲石地板唔吸聲. 廂房侍應唔夠醒目,每次叫人都等好耐先有人有反應. 但其實佢本身有幾個似係高級少少嘅侍應就服務唔錯. 食物亦十分有水準,難怪係摘星店之一.

環境幽雅,坐得舒適.

 (閱讀全文)

食友搞飯局,地點係會所. 由於我唔係會員,當然就襯機會黎試下. 睇過食評,對佢期望幾高,可惜失望而回. 如果要比較,一d潮州小店做得比佢更好,如潮州村或潮味居. 不過當然有幾味都算唔錯. 無論如何都一定要多謝食友安排,無佢我地又點會有得食呢!!

潮式拼盤幾有睇頭

 (閱讀全文)

某日要到西環搵個朋友,時間尚早,所以搵個地方坐坐先! 其實天氣已經開始轉暖,不過諗番起今個冬天好似只係食過一次蛇,所以行過間蛇舖都想入去食番碗.

$30一碗細蛇羹. 其實一d都唔細.

 (閱讀全文)

朋友家樓下小小串燒店. 極有水準,燒得有耐心又用心. 仲有好多海鮮如烏頭,馬友等都係$58-$68一條. 仲有蠔,鵝肝,扇貝,墨魚鬚,白鱔太多太多,兩個人真係試唔到咁多,下次要拉大隊包場呀!!! 我見有人有酒杯飲紅酒,估計未必收開瓶. 不過千萬唔好俾其他人食貴咗又食衰咗呀......

蟶子皇 - 火路一流!! 肉質爽甜!!!!!!!!!!!!!!!!!!!!!! 仲好細心剪開俾你方便食.

 (閱讀全文)

美女廚神生日,我地一於要同佢賀一賀! 金陶軒之前都嚟過幾次,係妹妹生日. 今次由壽星女揀都係食生日飯. 幾款金陶軒小菜都係得妝獎作品,証明水準有番咁上下. 再加上環境幾闊落,坐得舒服,的確係一個好選擇.

麗影紅紗卷 - 前得獎菜. 網狀脆脆包住牛肉炸成圓錐型,配有微辣醬汁,有創意. 不過炸得略油.

 (閱讀全文)

收到可口可樂公關邀請出席係Flame - Towngas Avenue搞嘅一個有關健康,營養晚宴. 當晚仲有GEM做嘉賓. GEM係我偶像,梗係要出席啦,再加上講啲同我有切身關係嘅題目就更加唔可以唔去啦!

GEM係可口可樂新出營養標籤大使,大約下星期新廣告就會出街架喇. GEM年紀好細,所以表現都係十分可愛,活潑!! 真人當然更加靚女啦!!

 (閱讀全文)

某日突然想食辣米線,諗起人人都讚好既三哥. 不過我喜歡酸辣多d,所以今次試左酸辣,原來係冇辣度分,只有麻辣先有十級辣度任君選擇.

墨丸酸辣米線 - 墨丸唔會太粉,都算爽口,酸辣湯底偏酸左少少,下次都真係要試麻辣.

 (閱讀全文)

朋友有求於我,當然要請我食飯啦! 但由於要爭取時間,所以只好係佢屋企附近佢飯堂食. 店仔細細,中西日意法都有. 正唔正宗唔好講,但以價錢,質素絕對合理有餘. 難怪人頭湧湧,肯定係附近居民食堂.

羊架拼德國腸 $88 - 睇落絕對唔似八十幾蚊貨仔,賣相都唔錯. 如果又一城嘅皇后餐廳$80 lunch set有佢咁嘅質素我都會成日去,可惜....唉!!  羊架要五成熟. 出嚟應該有七成,而且肉質幾鞋. 不過一分錢,一分貨,其實呢個價錢已經交足功課喇!! 肉腸當然係現貨,但質素都可以.

 (閱讀全文)

大家係渝薌烤魚食得唔多滿意,其中一位朋友諗起未去過我地成日去既泰式燒烤,咁就不如留肚去下一場啦!! 果然係好提意! 去到人都唔少,好彩仲有一張檯,剛好夠我地坐. 雖然唔見Nok姐,不過食物水準都冇變. 食完呢餐大家都開心番哂!!!emotion

白灼獅蚶 - 必食. 雖然細隻,但十分飽滿又鮮甜,食極都唔厭!

 (閱讀全文)

Next