香港新浪網 MySinaBlog
胃食妹ET | 30-Jan-11 | 周圍玩 | (404 Reads)

上星期先撞親個頭,好慘又好痛又令身邊嘅人好擔心. 剛剛一個星期後,呢晚就去咗迪士尼食得好開心咁過咗一晚. 有失必有得,哈哈,當補番數啦!

迪士尼五周年慶典,有特首同藝人都參與. 呢日特別邀請傳媒參與一同見證,另外亦邀請埋blogger,有幸有份參與其中. 樂園方面有公關公司代為安排一切. 專車由旺角接送往返,咁方便又點可以唔參加呢!!

由於工作關係,係下午大型慶祝儀式就參加唔到喇. 去到就係剛剛完結奇妙仙子城亮燈儀式,遠遠仲見到放煙花,可惜影唔到. 不過去到就係一個最大型嘅自助餐開始. 成個廣場周圍都放滿食物,飲品. 侍應人手十分充足,到處都有人招呼取飲品或收杯碟. 取食物亦有人介紹,十分抵讚. 唯一問題係室外,好彩今晚唔太凍同大風,還可以. 大會當然十分細心,有暖包任取.

我由細到大對迪士尼卡通人物冇特別喜好,所以迪士尼對我吸引力唔大. 因為有公關邀請可以免費又玩又食,當然唔會錯過機會啦! 但去過兩次之後,我終於發覺迪士尼實在係有佢吸引力!! 本來完全冇意慾同卡通人物影相,不過因為專車未夠鐘開出,所以排隊影相打發時間. 發覺同卡通人物影完相之後自己突然出番童真,覺得佢地好可愛,之後就繼續再影.

另外亦要一讚園內職員及公關都十分專業,俾到你好親切感覺,好友善,完全唔做作. 所以我明白迪士尼成功係有佢原因.

再次多謝靚女公關Edwina同Kate邀請!!! 今晚真係好開心呀!!! 如果想知道五周年慶典仲有咩特別節目,記得上迪士尼網頁睇下喇!!!

奇妙仙子城堡真係好靚呀!

 (閱讀全文)

胃食妹ET | 26-Jan-11 | 飲飲食食 - 旺角 | (1175 Reads)

老闆間唔中都喜歡黎呢度食晏,但我就較懶都係留係公司食,寫下blog. 剛剛前幾日我都有跟佢一齊黎,食完之後覺得真係不得了呀!! 又抵食,又好食! 所以第二日晚飯已經急不及待又要再黎!! 晚飯二人套餐只係$188,有老火例湯,一款例牌雞(霸王或鹽焗),兩款小菜. 話就話二人餐,其實三個人食都有多. 我地就係三個食都好努力先食得哂! 連埋白飯加一,每人都只係$80,食到又飽又滿足!!

梅菜扣肉 - 必食! 扣肉炆得又腍又入味,瘦肉部份唔鞋,肥肉甘香! 梅菜加汁送飯頂瓜瓜!!!!!

 (閱讀全文)

同幾位老友happy hour完,咁耐冇見當然要繼續有下場啦!! 我地三個都係辣人,有咩好得過就係一齊去食辣丫!! 友人介紹呢間四川小店質素唔錯,值得一試!! 果然水準幾高,比起早排係佐敦既重慶回味香更出色!!

口水雞 - 雞肉幾嫩滑,夠麻夠香,中辣略嫌辣度未夠! 不過都十分滿意!

 (閱讀全文)

同幾位友人相約happy hour,因為有美女廚神為我地預備美味燻蛋同愛心湯交收. 地點選擇中心位置,方便各人. 記得去過呢度happy hour,倒酒慷慨,送酒小食亦不時添加,所以印象亦十分唔錯. 一如以往,各人點既酒都添得好慷慨. 靚女酒廊歌手自彈自唱水準都唔錯!!

Happy hour買一送一. 小食有蝦片同果仁,會有refill. 友人未到,先點香檳. 其實佢係倒到杯口咁滿,所以真係好抵架,哈哈!!

 (閱讀全文)

前排一直懶到2010年尾,都係唔可以再咁懶. 就襯早排參加百人開年宴開始2011年網誌啦!! 當晚有九席,喻意長長久久,長食長有. 每席要坐十三,四人,不過人多好熱鬧,好開心,迫少少都唔緊要啦!! 菜式全部都係鳳城名菜,亦係友情價. 各人都開開心心等待新一年開始!!!

P1220391

手碌燒乳豬(招牌)- 熱辣辣,脆卜卜乳豬,果然係招牌. 好耐都冇食過熱辣辣既乳豬全體. 如果唔係要留肚真係食唔停口呀!!

 (閱讀全文)