香港新浪網 MySinaBlog

好友請食生日飯,佢係食得辣之人,當然建議去食辣啦!! 基本上佢生日,我生日都係去食辣野!! 呢間小店好評甚多,即管一試. 店舖雖然細,不過人流都幾多. 因為佢有埋酸辣車仔麵,最平係$20,十分經濟,所以唔少一個人黎食個車仔麵. 辣度唔太夠,麻味一般,不過整體味道都唔錯,而且好抵食. 經過去試試都無妨.

蒜泥白肉 - 辣椒多過蒜泥,不過味道夠濃,好惹味!

 (閱讀全文)

胃食妹ET | 28-Oct-10 | 飲飲食食 - 尖沙咀 | (1288 Reads)

某日好友約我食生日飯,因為訂左八點食,所以之前去下happy hour. 地點係我揀,我見The One咁多新店都未去過,就搵間試試. 意外地原來有個露台,有無敵大維港景. 仲有另一個意外係happy hour飲品超抵,最平$30都有,一般都只係四十幾. 有咁靚環境只需要俾三,四十蚊,又一超抵推介!!!

中文名好有趣

 (閱讀全文)

近來團購網站大熱,我都貪新鮮加入埋一份. 今次買左個超抵套餐,$99有四小菜. 呢間男爵我都去過,所以都有信心佢出品都唔差,只怕因為團購價錢平,可能份量會少左. 打去訂位時佢已經問係咪用coupon,果陣都已經有少少擔心係咪有咩唔同. 點知去到食,雖然改左兩個小菜,不過份量同味道都正常,服務亦周到,所以今次晚飯真係抵爆!!!!!

招牌口水雞 - 味道幾麻,少少辣,雞就當然係雪架喇,但食味唔錯.

 (閱讀全文)

上次介紹過一間超難食私房中菜,今次要介紹番超好食既另一間又係尖沙咀既私房菜. 呢間完全係家庭式私房菜. 老公煮,老婆,阿姨做樓面,其他親戚就洗碗. 不過你會驚訝一個人,一個住家廚房可以整到咁美味既菜式真係有點不可能!!!

天下第一雞 - 超嫩滑又有雞味,好多酒樓都做唔到呢個水準.

 (閱讀全文)

某日想食壽司,就近近地去屋企附近既壽司店. 其實我又覺得以咁既價錢黎講質素唔差,食得過.

三文魚刺身 - 當然就唔係我食啦,但睇個樣都好新鮮,好吸引.

 (閱讀全文)

好同事同我食生日飯.揀左呢間有保證既食店. 金山舊店我地去過,環境一般,好大排檔feel. 呢間新舖係商場內,乾淨企理好多,但價錢都冇變. 食物質素好,坐得舒服又唔收開瓶,必定可以經常光顧啦!!

燒鵝半隻 - 食第二輪八點半. 人未齊,不過已經好肚餓,所以一到就立即叫隻燒鵝頂住肚先! 皮未算好香脆,但味道一流,收貨有餘!!

 (閱讀全文)

胃食妹ET | 19-Oct-10 | 自家製作~好味呀! | (966 Reads)

見過整肉鬆呢個食譜好耐,不過一直都未有機會整. 今次煲左湯有舊瘦肉,可以要黎試試.

完成品係咪同出面買既一樣呢!!

 (閱讀全文)

好友K生日,大家當然照舊都會同佢食餐飯慶祝. 今次又要搞搞新意思,去間我地既新地方. 彌敦酒店其實歷史悠久,不過都未去過佢中菜廳. 直至見有酒友係facebook post相,原來都唔錯,就冒昧請佢幫忙訂菜. 果然有熟人幫手真係好好多,菜式唔錯,免開瓶,招呼好,值得再黎!!!

冬瓜盅 - 用料豐富

 (閱讀全文)

知道伊呂波出左個迷你套餐好耐,但一直都未有機會試. 今次同好友食飯,佢對日本菜都有偏好,所以就揀左呢間最好不過. 二人套餐$360,有多款肉食,更有巨型大蝦,相當豐富. 朋友食得極之滿意,最後大家仲開啤酒暢飲!!!

和式裝修. 大堂比較好,檯與檯之間唔會太近. 但布廉內位置與鄰檯十分貼近,冇咩私人空間.

 (閱讀全文)

一直都想試呢間烤全魚店,因為有食友話都幾辣. 某日同大家提起,咁就拉大隊黎試試. 呢間係李修賢開,佢自己都間唔中會黎舖頭打點下,不過當日去就冇見到佢. 店舖經理見我地成十幾人,又拎相機影相,佢立即招呼周到,不時過黎問我地食物點,又送野俾我地食. 不過老實講,我就覺得熟食好麻麻. 炸魚味道亦唔見得好. 因為唔夠辣,我地不停叫佢拎辣醬俾我地,最後加左好多辣醬之後就叫做好d. 經理又送個魚湯俾我地飲,話煲左幾耐,有幾多料,點知一飲,係有味精囉!!!! 完全唔係魚既鮮甜味,真係唔得喎!!! 所以只此一次,唔會再黎喇!!

蒜泥白肉 - 肉可以再薄少少,而且醬汁唔夠蒜,麻麻.

 (閱讀全文)

Next